Tuesday, July 28, 2009

حديث من الطراز الازرق~2




"هذا صــباح ..هذا حكي حرفن وصاح"
استيقظ .. مع حلمي .. بمواكبة حلمي
كعادتي .. اسلك الطريق الطويل .. اسلك ذلك الدرب الاجمل ان لم بذلك الجمال ..
أو كعاده ~ ليلى و عدوها ذلك الذئب
فأراني .. النور ~ليلى و عدوي الوقت
اتأمل ... درب البيت .. اتأمل العودة للعمل بعد سفرة العازة.. ربما اتأمل الكويت
كم هي جمـيله .. بيضاء القلب .. صاخبة الهدوء ~ تلك الكويت ..
فينتابني سؤال ..كم منهم رحل؟
وهل سنرحل معهم ام اننا عدنا ~ اليـــنا ..اعلم انني اشعر بوحدة ~ دون تفاصيل البيت
امي .. اختي .. الآن ابي ..و تأملي

بالطريـــــــــــق
.. ارى ازرق السماء .. اخضر الاشارة .. اصفر الرصيف ..
ابيض اللوحات ~ ارقـــام .. وحروفهم ~ حتما زيارة ..
فأمزج دقائق الرؤى ..بطيف قوس قزح ..أو بلغز حير صيفي الحار
اصمت .. اضحك .. كيف لي ان ارى طيف القوس...من بين ارجاء الصيف
نعم ... فكم منا يرى صواب ..بخطأ مرتكب ..و كم منا يرى قبح منظر .. بجمــــال لم يرى
و كم منا يفهم الزيف ..كما الحق ..و كم وكم .. لان الرؤى ..لا بعين رأت .. و لا بانف هوى ..و لا سمع غوى ..بل قلوبنا ان رأت من تحب .. رأت اجمل .. رأت ابهى .. رأت انقى ما قد يكون ..بنبضات القلب نرى~ بشعورنا نرسم ما نريد رؤيته..فأننا ان اردنا نقبخ الاجمل و نجمل الاقبح او الاقل جمالا مما نرى .. فهذا هو لغز صيفي الهانىء.. من بعد سفره قصيرة المذاق..و عدوتي الحارة كما الصيف


بالطريق
اسرق النظر .. توت اسود بجلد ازرق ..فأنا اواكب موضة ~ النور و حبها للازرق الهــــــــــادي
رقم البيت يتصل ..غريبة ..ماكو احد ..اكاد اخالف المرور .. ارد بكسر تأمل هادىء

:هو
mama what`s for gadda ?
النور ~ بسمالله !! اهو اصعب سؤال يسأل بهذا الصباح .. و هل كلمة ماما كبيرة ؟ هل تناسبني ؟ و هل انا المسئولة الآن ..و هل صوته ذلك الطباخ اقرب ما يكون ~ لابو بكر سالم .. فأبتسم ..و هل لي ان لا ~الطعه

ممممممم كيفك:
:هو
ana mama.. ana kaife ?

:النور
yes

:هو
mama i don know ,, u tell ..

:النور ..كم صعبه
شنو في بالبيت سو

هو :
mama ,, tell , ( bryani , chicken machbos , pasta , chinese rice )




:النور
مادري


:هو
mama bs , yalla goool



:النور ..مخترعة ..هذا ليش يزف ~ اقول
i won`t tell you decide ...


و اقفل الخط .. و عاقدة النونة
يالله صبـــــــــــــــــــــــــــــــــــــــــــــــــاح خير
:S



تصل النور~ لباركن الدوام .. لأرى اطفال ~ كبار .. دون موسم مدرسة اعتادوا الالتزام ..
ان كان لا يوجد ~ طابور المدرسة.. فأعتادوا حساب الوقت من حسابهم




8:00
بأنتظار الشغل
ممم مذاق قهوتي ~الانطع من مفيد
و مفاجأة الغدا,,من اللي مايتسماش




29 comments:

aL-NooR . said...

:D

ميمة السبيت said...

** انا معزومه اذا تبيين ايييبلج برياني

aL-NooR . said...

ميمة السبيت
***************

اهلا بطبختنا الماهرة
اي تعالي.. حيـــــــاج ..يا حلو الغذا معاج .. مايندرى عنه
شمسوي هالمليق .. يتميلح لما يسافرون

بس ابي هالبرياني
شوقتيني
الله يأخذ يليسج
:D


****************

Purplecious said...

وااااااااي يا كره هالسؤال

شنو سوي قدا؟؟

مأساااااة و معاناة يومية اذا سافرت أمي.. و أبوي ما يبي يقرر بعد يقولي على ذوقج

آآآآآآآآآه


نصيحتي لج سوي جدول و ل اترى ما راح تخلصين



انتي ملاحظه هاليومين شلون الجو الصبح حلووو؟؟

والله الحمدلله الله يتمم علينا


بس وخري عن التوت الاسود الله يعافيج و انتي تسوقين بلييييييز

:**

aL-NooR . said...

Purplecious
*************

بيــربل
هلووووو


المشكلة ان ابوي سافر بعد
فالوضع مأساآآآآآآآآآه
اييييييي وايد حلو
سافرت و رديت فرق على الجو

انشالله تــــامرين امر
:D
*************

qesat_5ayal said...

النور

ويلكم باك بعد السفرة
:)


شنو طلع الغدا بالنهاية ؟
بالعافية

nono said...

موضوع رائع ومدونة اروع خالص مودتي

~ هند ~ said...

يــــــــــا
صبـــاح الــدوام
و
الجـــــو الحـــلو
و
الأطـباق الشـهـية

=)

Barrak said...

مايتسماش


وشنو اللي مايتسماش

نون النساء said...

شهيتينا عالبرياني مال مغل محل
ههههههه

ARTFUL said...

أصعب سؤال هو شتبون غدا باجر

لما نكون قاعدين بالليل قبل النوم

تسأل الوالده شتبون غدا باجر؟؟

محد يرد لها جواب

وتبدي الاجوبة العبيطه ما بين مرقة غزلان

والا يقول محمر يواف

واللي يقول ما نبي غدا والا يقول فواكه

وتضيع الوالده الله يحفظها بينا

صج الله يعينكم على هالسؤال


:)

aL-NooR . said...

qesat_5ayal
******************

THANKS :D
طلع شي غير عن المقترحات
و ابشرج ما تغديت
:P

بس هم
يعافيــــج
***********

aL-NooR . said...

nono
*******

شكرا شكرا
:D
******

aL-NooR . said...

~ هند ~
**********

اهلا بالغالية ..مسا الورد
و مسا الصيف و اللاهوووووب
و مسا الغدا الناطع

:D
****************

aL-NooR . said...
This comment has been removed by the author.
aL-NooR . said...

Barrak
****************


اللي مايتسماش.. الله يسلمك طباخنا
المحترم .. عباله المعزب
شايف عمرة
مادري ليش مع الصدرية المخصرة

:D

**********

aL-NooR . said...
This comment has been removed by the author.
aL-NooR . said...

نون النساء
*************

بس ماطلبتي شي
ناااااطع البرياني من اللي مايتسماش
احلى مغل محل اصلا

اذا سويت بدزلج نقصة
:D

***********

aL-NooR . said...

ARTFUL
************

أي والله اصعب سؤال
المشكله لما تكون ماكل
و متعشي شلون
تقول غدا باجر المشتهاة ماكو
زيرو
:D

واااااااي
حبيبتي يا حلوها امك ..حريصة

الله يحفظها بينكم
و عسى الله لا يبين غلاها من شر

عاااااد شهالاعجاز
هههههههه
مرقة غزلان
محمر يواف

:D


************

BeeDoO said...

الحمد لله على السلامة

حلو البوست

والأحلى الدوام بالصيف
واللي ما يتسماااش

أحمد الحيدر said...

يوعونا أكثر


عليكم بالعافية :)

صباح النور ..

Um il sa3af wil leef said...

إن شاء الله يردون بالسلامه الأهل :)
النور ...برياني مع هالحر ؟؟ بهارات وحر وغبار ...كلش مو شيء
:)
حبوبه بوست جميل

princess adadi said...

لوووول مو صج هالطباخ

يعطيج العافية ^^

New Bride said...

من غير شر لما سافروا اهلي اكثر سؤال يطفرني كان شنو الغدا
و جان زين حقي انا حق اخوي اللي قاعد بالبيت :)))

يعطيج العافية

aL-NooR . said...

BeeDoO
*********

ألله يسلمك من الشر
شكراااا

اللي مايتسماش شكله
برووووووووح
:D

********************

aL-NooR . said...

أحمد الحيدر
**************

يعتوا :P
حيـــــــاكم الغدا عندنا

:D

********

aL-NooR . said...

Um il sa3af wil leef
*************************

وصلواااااا بالسلامة
:D
بالعكس .. بريانينا مع مكيف .. شغل عدل

:Pp


***************

aL-NooR . said...

princess adadi
********************

حيــــــــل مو صج
يعافيــــــــج
:D

***********

aL-NooR . said...

New Bride
************

ايييييي ترى حاش اختي طشار .. داقين عليها قبل لا ارد من السفر
عشان اخوى بالبيت .. انزين سألوه لا ماكو .. خداااااااااي

:P
**************