Tuesday, August 25, 2009

نفحات تبدأ به


تسرقنا بدايته ..و يسرقنا الوقت .. حبنا له يزداد ..من بين ثواني بعيدة .. نحبه .. نتشبث بحروفه .. نعقد الهمم .. كل القوى .. استعدادا له .. هو ضيف .. قادم .. من بعيد ..يضع احماله .. ثلاثين يوما .. وودننا لو كان طوال العام ..معنا ..بنا .. الينا .. به رسالات لا ترى .. نحسها .. نلتمس ..حلاوه كل ثانية ..كل دقيقه .. من فجر آتي الى مغرب من مضى .. ابي .. سفر امي .. ..مكانها الخالي.. اخوتي ..مسئولية ~ احببتها ..فأني استشعر بها افطار صيام .. افطار احبتي
بالسادسة و اجزاء ساعة .. يصدح الاذان .. تتوالى نسمات النكهات .. بسمات الاطفال بعد يوم طويل .. دعاء ابي بين صدق و رجاء ..و نحن بين يديه سبحانه ..نستمتع بآخر نفس للصيام .. نأكل.. نتلذذ .. نزداد نخمة .. نرجو اكثر .. ولا نقدر .. نتجول بين اطباق الحلوى .. مع نسمات بخور و اطياب عود .. تريح انفسنا .. تتوالى ضحكات ..نظراتي الحالمة لجو اعشق تفاصيله ..هم و انا بينهم ..
بعد تلك الدقائق ... ينادي بصلاة تخص شر الصيام .. نتسابق .. حولي اصوات تعلو .." النور قومي اذن العشا " اكاد اجري فرحة ..و الملم من حولي .. يزداد شوقي لما قد يأتي ..اكتسي اسود ~اتطيب ..اريح قلبي .. اطيل الطريق .. استمتع بصوت الاذان .. بأصوات زانها الله ..ارى اناس ..تسير .. تجري ..و تغدو .. تلبي قول سبحانه .."حي على الصلاة .. حى على الفلاح "..ففلاح قادم بنا ..لبيك سبحانك ..فرمضان قد بدأ في يومه الرابع.. قد فاق سرعه .. و قلبي يشتاق للقادم ..كحلم آتى لينتهي .. فسبحانك ربي اجعلني ومن يقرأ من عتقاء شهرك الفضيل
>
>
>>
>
.
.
ازرق بين الورق
~~~~~~~~

...ومع ريــــــــــــــق الـهوى
...صيــــــــــــــــام ... ودوى
قلبن من اللهفة خاف و قــــــــــوى
ذاك السعف ... ذاك الـــــــــــــــــــورق
قرر يداوي رقــــــــــــــــــــــــــه و أرق
يكتب على غصـــــون الشجر~ احنا سوا
نرافق دوا .. ننــــادي ايا ~ ريح الهوى
"لو بتقوى ذا الســـهل ..ماعمره~ قوى"
,,,
,,
..ماتختلف عني انا
..عيد .. ثياب وهنا
...يومن جديد آتي و هــــــــــــادي
...تمر سنين .. ويختلف المنـــادي
...يوم طويــــــــل ببسمتي غـــادي
...يخفي تحت فييً ~ مــطر كـادي
...كل البداية .. تبتدي ~ عــــادي
...تسرق من حروف السواد ~ لونن رمادي
...وانا مع الهم نخالف طريق و~ كلن بـوادي






24 comments:

U know WHO said...

مبارك علينا وعليج الشهر
:)

aL-NooR . said...

U know WHO
***********

علينا وعليج ..:*و انتي وينح
مختفية ..اذا مسافرة الحمدلله على السلامة الصراحة مكانج فاضي


****************

U know WHO said...

النووور..
أتغلى
؛)

الصج الصج.. ورا كل سفرة اتييني حالة اكتئاب
مادري اشفيني
ماشبع من السفر ولا أمل
ومن أرد .. بس اكتئاااب
بس الحمدالله
الحين اوكي

ومشكووورة حبيبتي
:*

ميمة السبيت said...

** يازين المسيد و روحته والله ان الصلاة بالمسيد تشرح السدر و تنسي الواحد همومه

aL-NooR . said...

U know WHO
**************


يا حلو اللي يتغلون :*
لايق عليج لايق
:P
لا تشوفين سفرتي ..اسرع سفرة لا ولما وصلت مريشة لين رديت الكويت :S

ماشبعت بس الحمدلله

***********************

aL-NooR . said...

ميمة السبيت
*****************

ايييييي والله
عالم ثاني احساس ثاني
روحه المسيد ..

و يازين طلتج :*
*****************

حياتي هدف مو عبث said...

مبارك عليك الشهر
:)
والله يخلي لك أهلك وأخوانك

شاي الضحى said...

مبارك عليج الشهر وتقبل الله طاعتج :)))

Reem said...

يا حلات وصفج يالنور ؛*
عسى الله يقدرنا على طاعته يارب ..

يازين هالأيام والله ..
و على طاري الفطور ، خل أقوم أزهب السفره لا أنزف الحين .. لول

الله يرد الوالده بالسلامه يارب
و يحفظكم لبعض

chandal/danchal!! said...

الله يعينا ويعينك على ذكره وشكره وحسن عبادته



تسلم ايدج على هالبوست الحلو

:)

BeeDoO said...

وصف جميل وصياغة لطيفة من شخص خفيف الظل

مبارك عليكم الشهر

aL-NooR . said...

حياتي هدف مو عبث
*******************

علينا وعليج
آمـــين يا رب العالمين
و يخليلج حبايبج
:D
****************

aL-NooR . said...

شاي الضحى
***************

علينا وعليج
وتقبل الله طاعتج

حيــــــاج

:D
*************

aL-NooR . said...

Reem
************

هلا بالغالية .. الريم
ما علا وصفج وصوف
:*

آمـــــين ..
الله يبلغنا ليلة القدر .. و يكتبنا من عتقاء النار

ابشرج امي ردت :D
يا فرحتـــــي

************************

aL-NooR . said...

chandal/danchal!!
************************

هلا بالجندل ..آمــين وبلغنا ليلة القدر ..و يجعلنا من عتقاءه

تسلمــــين على خفافة الظل
:D
حضورج خاص

*******************

aL-NooR . said...

BeeDoO
**************

تسلم ..خفافة الظل تكمن بتواجدكم
:D

علينا وعليك

**********************

إيلاف said...

أعاد الله عليكِ الشهر باليمن والبركة كل عام : )

وأدامكِ بهذه الأجواء الروحانية الجميلة

وصف ممتع لأيام الشهر الفضيل

Lavender said...

الله يعوووده علينا بالصحة و العافية يارب

ياحلووو رمضان و ياحلو طقوسه و أيامه

Reem said...

aL-NooR
هلا فيج والله ...
حبيبتي ماعليج زود ؛*

اللهم آمين ..
و الحمدالله على سلامة الوالده ، قرت عينج

Noor said...

:)

مبارك عليج الشهر

وعساج من عواده

aL-NooR . said...

إيلاف
******

آمـــين و يعوده عليج وعلى حبايبج
وأدامها عليج ..لان هذه الايام مختلفة ..بنكهتها ..ثمرها ..ريحها

هذا الشهر الفضيل
فبيدنا نصنع اختلافه
تسلمــــين
:D

***************

aL-NooR . said...

Lavender
**********
آمـــــين يارب
ياحلوووه... جك بم و راح
عسى ربي يبارك فيه ..و بأيامه ..و بيلغنا طاعة رب العامين وفي و في غيره من الشهور

******************

aL-NooR . said...

Reem
**********

حيالله الريم


و الله يسلمج ..بويه نبيج يالغالية


**************

aL-NooR . said...

Noor
*************
علينا وعليج
وعساج من عواده

:D
*************