Wednesday, October 14, 2009

على طاري العيــــ(1)ــــن




هذا الصباح
شرق- الديرة
11 صباحا


ذلك البصر .. "اعيننا" .. ما نرى به الدينا بألون لا قيود بها .. نبصر ..تسرق النظر ..تفاصيل الامور.. تلك المشاهد .. وتلك العيون ..نرى الوان سماء .. بتفاوت ارزق ..برتوش لون الشمس ..نرى بياض غيومها ..و شعاع نور يمزج لوحة "سماء" لا املها ابدا ..و بين عيناي ارى كل ذلك .. واغمضها و ابتسم .. و من ثم تلك يميني ..عين ..تنادي ان اسرق نظرا الى بشر لا علم لنا بهم ..هم حولنا ...نراهم .. ولهم نصيب من جملة نظر يومنا العابر ..نرى تفاصيل الامور ..لحظات جميلة لا تنسى .. و اخرى لا نود طيف ذكراها ..نصمت و نشاهد سيناريوهات الحياة بكاميرا "العين " سبحان خالقها ..فهل للعين صمت ؟ اني ارى صمت العيون اصعب ما يكون ..لان دوما ما يلي صمتها دموع عين لا تنام

وعن شمالي .. ذلك البحر الواسع حد الافق..وتلك طيورٌ تغدو بلا حدود ..كسرب طير بلا موطن له ليضفي سحر لوحة الخالق ....من بين غمضة و غمضة و تنهيدة تلي الاخرى .. نعم حمدت ربي لعيني و ان كانت اجمل ما املك و يملك من حولي .. ستظل بين الحين و الاخير
كل لحظة تمر بي و انا من بين جموع البشر .."ارى " .. "انظر" .. "اشاهدهم " ارى ملامحهم ..عيون من احب .. تعابيرهم .. ناظراتهم اليً.. شرودهم ..عتاب نظرة منهم ..الوانهم ..رسمهم .. حتى اطراف رمشهم ..والا يكفي اني قد ناظرت حالي .. فالحمدلله

ذلك اليوم
360
السابعة مساءا


من فترة ما احسست بوخز في عيناي ..فور تركيزي لاي شي دقيق ..لكن حاولت الهاء نفسى كي لا افكر بضرورة زيارة الدكتور..ظل يتسلل الوخز الى ألم يرسو اطراف رأسي و بين عيني ..مر من الوقت ..اسبوع ..اسبوعين ..ربما منتصف الثالث ..
وبين ارجاء مجمع 360 وجدت محل لبيع النظارات تسللت للدخول بخفاء عن امي لانها لا تعلم بألم العين اساسا ..سألت الموظف هل يوجد فحص لنظر العين ..اشار بنعم يوجد ذلك الدكتور ..وهو متواجد حاليا ..و فور ذلك .. اقتربتك امي لتجدني و تسألني


"النور !! شعندج داخل ؟ ليش بيفحص عليج ؟"
"لا لا ماكو الا العافية ..بس بتأكد من شغلة ..بدام الفحص فور فري"
"على خير اروح اصلي و اردلج"
" ان شاء الله ...مو تنسين تدعيلي:)"


تبتسم ..بسمة تكفيني ..فهي اكتسبت من جمال اسمها الكثير ..ادعو ربي دوما
"عسى الله لا يبين غلاها من شر "
يتأفف الهندي من مسلسل الدراما الذي مر بيني و بين امي الغالية ..استحي على ويهي و اتعبه ..فور ذلك علامات ..فحص ..تركيز احرف ..جمل ..سؤال منه ..جواب متردد مني ..الم ..عدسات ..نظارات
دوائر دوائر دوائر
فاصمت


النتيجة النهائية
قصور بسيط بالنظر .. من تركيز بشاشة الكومبيوتر أو الموبايل

العلاج
نظارة.. للقراءة و اثناء الدوام



اصمت ..بملامح بؤس ..الى شفقة على عيني المسكينة ..اكاد المسها بين اطراف اصابعي ..ربما أَسَمي عليها ..لا لاستغرابي..بما يدور .. لكن شعور غريب حين افتقد نظر ..او حتى جزء منه كما قال ..فأنا احتاج ان ارى الدنيا بعيني ..ارى تفاصيلي و تفاصيل من حولي ..وهو يشرح سبب القصور ..و انا اصمت و اكرر هل للنظر منزلة غير باقي الحواس ؟ ام انني علمت منزلتها فور احساسي بفقدها ...ابتسم بسمة تكاد تقترب من الصفرة ..لاحاول التركيز بالمعلومات الدكتور المختص ..ألمح امي من بعيــــــــــــــــــــــــد تبتسم ..لارتاح كونها معي و اني ما زلت ارى ابتسامتها.. فما اجمل من رضاها لي ..وعينُ ترى ملامحها



تقترب ..اقرب ..فأقرب .. اصمت ..تكاد تسألني بنظراتها ..ارد قبل ..نطقها بكلمة
"لا ماكو الا العافية "

الحمد لله تصدقين خفت..شاغبتيني بصلاتي"
"مادري كنت حاسة فيج شي بس اشوه طمنتيني...عاد الا عيونج انت احلي عيون بالبيت

ابتسم
"الحمدلله "


نقترب من مطعم "زهر الليمون " لتناول طعام و ربما تناول تلك السوالف قريبة للقلب حد الراحة ..احبها قريبة مني..استماعي لحروفها و نصائحها التى لا املها طلاقا..تأنيبها لي ..حزمها معي ..وجودها بجانبي دوما ..قصص ذكرياتها ..ألمها ..شكواها ..خفة طينتها ..و حبابة قلبها ..و سعة صدرها ..سنعها ..ذرابتها ..انها تلك المرأة التي لا ارى سواها


امي
هي عيني الآن وان فقدت جزء بصري
لانها مصدر بصيرتي
.
.
.
ازرق في ورق
~~~~~~~~
لا يستطيع لما في القلب كتمانا
فالعين تنطق والأفواه صـــامتة
حتى ترى من صميم القلب تبيانا

32 comments:

الزين said...

الله لا يحرمج منها ويخليها لج

الأم الحبيبة نعمة من الله

حطيها بعيونج وسكري عليها

ترى مو كل ام

ام

في امهات بس بالإسم

:)

chandal/danchal!! said...

الله يعطيها الصحة والعافية ويزيدك من برها

:)


أول ما بديت بالمدونات حسيت مثل الضباب على عيوني

رحت حق الهندي اللي بسوق شرق

وأول ما فحص علي قالي شنو طبيعة عملك؟... شغلك فيه مجابل كمبيوتر؟

:)

وما ردي احتجت نظارة للقراءة

الظاهر كل البلوقرز يلبسون نظارة!

الحــــر said...

الله يطول بعمرها ويخليها لج

وشفايدة العين لو غاب النظر

والأم مو العين الأم يالنور أهي النظر

وشكثر في عيون فاقدة النظر

دمتي ودامت بخير وعافية
:)

jasem said...

مساء الخير يالنور
:)
الله يحفظج والوالده ويحفظ منكم العين والبصر والبصيره
إتصدقين نفس حالتي بالعين
شكلي محتاج الفحص من هندي 360
لا وزود فيني هاليومين إلتهاب سن إبعيد عنج
واليوم وارم خدي
وأمس ماقدرت أنام
:(
يعني إنطبق علي
قانون حامورابي
:P

شاي الضحى said...

الله يخليها لج انشالله ويطول بعمرها :)))

ميمة السبيت said...

** الله يحفظها لكم انشالله الأم غالية و راح تحسين اكثر بغلاتها انشالله لين تصيرين انتي ام

وكله من البلاك بيري اللي ماخذ قلبكم ديري بالج على عويناتج و ماتشوفين شر انشالله

Mamloo7a Q8ia said...

الله يخليكم لبعض ولا يفرقكم من شر
ويحفظ لج عيونج من كل شر

دمعة المقهور said...

الله يحفظها لج ويخليكم حق بعض

ديري بالج على عينج


:)

lawyer said...

ههههههههههههههههههههههههههههههههههههههههههههههه

لا مو صج !


نفس حالتي
بس انا زياده عليها انحرااااااااف بالبصر في عيني الثنتين




فلازم البس نظاره
سوييييتها و استلمتها يوم الاحد
و صااااااااارلي 5 ايام بنظاره

للقرايه
و السيااااااااقه بالليل
و الكمبوووووووووتر
و التيفي


بس ساعه البس و ساعه اطنش

jonoon 3aqel said...

الله يخليكم لبعض..
و يجعل السعادة دوم حاضرة بينكم..

الصحة بشكل عام عزيزة ع النفس..
الحمدلله
الحمدلله
الحمدلله


شوقتيني لأمي...
حاليا هي ف الامارات عشان عرس ولد خالي..

الله يحفظهم


تحياتي

lilly said...

الله يخليها لج انشــــالله ويطول بعمرها ويعطيها الصحه والعافيه

حبيتها خالتي شكلها تينن :)

aL-NooR . said...

الزين
*********

حبيبتي :*
ولا يحرمج من كل غالي
اي والله نعمة :**و عسى ربي لا يبين غلاها من شر


صبـــــاح النوير
*****

aL-NooR . said...

chandal/danchal!!
*****************


اهلا اهلا ..حي الله من زارنا

آميـــن و يزيدج من بر والدينج ..و يخليلج حبايبج ...


اي والله ضباب .. لا و عوار بالعين ..انا توني مع اندماجي بالبلاك بيري مع ان مو توه بس الظاهر مع كثر الاستخدام ..

اي والله هالهندي ,,ما درى انا 24/7
مجابلين الشاشة .. لا فوقها هالبلاكبيرى ..انا ليلحين ما لبست :(



******************

aL-NooR . said...

الحــــر
************

آمــــين و يطول بعمر كل من تغلي و يخليك حق حبابيك ..

اي والله الام العين والنظر و البصيره
وشكثر في عيون فاقدة النظر
وانت الصاج ..الحمدلله ..احنا بنعمة يبيلها شكر



*********************

aL-NooR . said...

jasem
************

صباح النور و النوير
آمـــين و يحفظلك كل غالي ..

و على الهندي يبيلك تروحله ..
بس ان شاء الله ما تحتاج ..ونتيجة الفحص 6/6
:)

لا لا كلش ولا التهابات من هالنوع ..يكافيك الشر ..و ان شاء الله اجر و عافية

عسى الحين احسن ؟

***************

aL-NooR . said...

شاي الضحى
****************

امـين و يخليلج كل من يعز عليج


*****************

aL-NooR . said...

ميمة السبيت
****************

اهلا وكل الهلا بميمة :**
آمــــين و يحفظلج كل غالي و بنوتج الحلوة

حبيبتي الشر ما ييج ..اي والله قالي من اللاب توب و البلاك بيري :S
بس ما نيوز

نورتي بيتج :*
*****************

aL-NooR . said...

Mamloo7a Q8ia
*********************

امــــين و يحفظلج حبايبج :*
من كل شر

*********************

aL-NooR . said...

دمعة المقهور
*************

امــــين و يحفظلك حبايبك

ان شاء الله ..
:)

شكرا
**************

aL-NooR . said...

lawyer

************

اهلا بفطوومه :*

اي والله مو صج !

وي وي وي انحراف ..سمالله عليج ..عيل حاسدينح ترى

الله يستر ..لي سويت نظارة ..شكلها الحاله مأســــاة

ما يندرى عني :S


*******************

aL-NooR . said...

jonoon 3aqel
****************

صبـــاح الخير ..
امـين و يخليلك حبايبك

ااي والله عزيزة ع النفس..
بس الحمدلله

يا حلوها امك ..عسى الله يحفظها و يخليلك ايها ..و يخلها لك ..و يساعدك ببرها


****************

aL-NooR . said...

lilly
**********

امــــين و يخليلج كل غالي
واهيا تحبج ..بعد

:p

امممممم على انها تينن
الصراحة اهيا تينن كفايه انها امي

;p

صبحج الله بالخير ليلي

**********************

نون النساء said...

welcome to the club hun.

:P


عسى ربي يحفظلج أميمتج ويطول بعمرها ويعطيها الصحة والعافيه

و
same to u ba3ad ..

سلة ميوّه said...

عسى ربي يطول بعمرها ويبارك لها فيه

وعساج دايماً قرة عين لها


ولنا...


النور...ولايهمج ...رطبي عينج بس بقطرة ترطيب خذيها من الصيدليه ...فرش بلس أو اي قطره مرطبه مافيها مواد حافظة 3 مرات باليوم إذا كنت من الناس اللي يجابلون شاشات فترة طويله..
وعليج بالنوم 8 ساعات والراحه...
واهم شي انج اتقمضين عينج كل ربع ساعه وتعدين لي الخمسه وانتي قاعده على اجهزة الكمبيوتر عشان توفرين لها الترطيب وتردين لها التركيز
وزوري دكتور العيون خليه يعطيج نصائح تقوية العين والنظر...ترى دكاترة العيون مايخرعون :)


النور....افا عليج بس إنشالله ماعليج شر
وعسى عيونج الفرح إنتي واميمتج الغاليه



حبي

jasem said...

الحمدلله الحين احسن وايد
فش خدي وقمت اطلع
:)
بس 6/6 ماافتكر كلش
والهندي بروحله ومجهز وياي فلوس يسويلي نظاره
لانه مقالات الجرايد قمت ابعد الجريده وايد يلا توضح الكلمات بس اتصير ابعيده ومااشوف
واذا قربتها تركب الكلمات على بعضها وماتنقري
مدري طول والا قصر والا مخلوط هذا
بس اهني يمكن اقدر اقرا لانه الشاشه تشب
خاصة الكلمات اللي مكتوبه بالنور
:p

fatto said...

بوستج خلت عيني تدمع ..لأن يبتي طاري لام .. انا من اسمع احد يتكلم عن امه جذي نفسج تدمع عيني .. الله يخليكم لبعض يارب وخليلي امي حبيبتي :)

ونشاءالله عينج مافيها الا الخير .. اكليلج جم جزره باليوم ونشاءالله ماكو الا العافيه :) مويقولون الجزر يقوي النظر :)

nicky said...
This comment has been removed by a blog administrator.
aL-NooR . said...

نون النساء
***************

thaaaaaanks
what a club;p

آميــــن ..و يطول بعمر غاليج ..
شكرا شكرا

*******************

aL-NooR . said...

سلة ميوّه
******************

اهلا اهلا ..
حبيبتي
اميـــــن و يطول بعمر غاليج

:) سمعت كلامج خطوة خطوة شكرااااا
:**
و كاني بروح اشتري القطرة ..و ابشرج ..كل شي على ما يرام بأذن الله


حبيبتي :*
مشكووورة

*************************

aL-NooR . said...

jasem
************

اشوة الحمدلله ..و كله اجر..اهم شي قمت تطلع ..كلش ولا قعدة البيت الي تكون فيها مغصوب..من غير شر ان شاء الله

لا ان شاء الله 6/6
ليش لأ
;p

اييييييييي صح وانا اقول ليش بلوقي الوحيد الي عيوني ما تعورني فيه
طلعوا حروفه من نور :)

شكرااااااااا

*************************

aL-NooR . said...

fatto
************

حبيبتي :*
عسى ما تدمع من ضيقة
آميـــــن ويخليلج اميمتج ..و ناولج برها :*


تهقيت ماكو الا الجزر
:p

**************************

..pen seldom said...

:)

كلمـاتكِ تسعد القلب ..

أحببتها ..

وأبتسمت وأنا أقرأ ما كتب ..

كلماتكِ حركة شيءما داخلي ..

" أدام الله لكِ والدتكِ .. ودمتي عزيزتي لها "


كوني بخير ..

:)