Thursday, October 22, 2009

على طاري العيـــــ(3)ــن .. النهاية


Part 2
~~~~~~~

بأبتسامة ترتسم ..على وجة طفلة احست بالنصر ..بعد خطة محكمة الاتقان..تركب النور السيارة مع والدها و بين ضيقة تسكنه هو المسكين و احساسه بألم فقد تلك الصغيرة جزء كبير من بصرها.. فقد كان يسـألني اسأله لا اتذكرها .. سوالف ممتعة حول نوع النظارة و لونها و الاشكال المرسمة على اطرافها فقد كنت مبتسمة الى حد الانشكاح..كان يسرد التفاصيل تخفيفا عني ..لكن كنت لا احتاج ذلك اطلاقا
فقد احسست بالنصر وقرب الوصول الى هدفي
"الميني ماوسي"

فهل لي انا ان اخفف عن ابي و عن امي؟

~~~
في طريقنا الى البيت ..ابي يحدث امي بالهاتف ..و يزف لها خبر النظارة ..نعم يزفه لانه سارٌ جدا بالنسبة لطفله عيارة مثلت فأحكمت التمثيل .. في حوار دار بين ابوين قلقين جدا.. فانا استمع كما استمتع بالحوار

ابي : اي والله .. انا استغربت ..قتله مو معقوله ..البنت ما تشتكي من شي ..حتى عوار راس ماكو
امي : لا تقووووووووووول ..يعني خلاص خلاص !! و الله ضيقت خلقي اهي صغيرة !! اهي احلى عيون بالبيت
ابي : عادي عادي .. ماكو الا العافية .. ياما ناس لبسوها صغار ..و كبروا و صاروا دكاترة ..الحمدلله ولا شي ثاني
امي : انا خايفة ينكسر خاطرها بين البنات
ابي : لا ان شاء الله ...اصلا كاهي قاعدة يمي تسولف ..صكت راسي اصلا بالسوالف
والحين مندمجة بالاغنية ولا هامهما

غير سهم النواعس كل سهم يهون
اشهد انه يهز القلب يابوحمد
وصلتني ياراشد بالضمى للجنون
صار وعد السحابه برق ليل ورعد
هي اتدلل واردد غصب عني تمون
كل عمري هديه للهوى وش بعد
اه انا ويش اسوي في عذاب الفتون
كل ماجيت موعد جددت لي وعد*

ذوق الطفولة النقازي *يا بو حمد

فجأة وسط غفلة تفكيـــــر من تمثيلي المحكم
او ربما اندماج النور بالغناء فرحا
يسرقني ابي بسؤاله الشديد الذكاء
ابي : النور تشوفين السيارة اللي جدامنا ؟؟
النور : اي ..مو حلوة
ابي : لا لا انا قصدي تشوفين ارقامها ؟
النور : اي ممممممممم 2 5 4 9 8
ابي : واللي هناك البيضا
(كانت ابعد )
النور:
( بكل شقاوة طفلة تناست ما قد حصل قبل ساعات )
اي بابا 7 7 8 4 5 1
ابي : اللي هناك الحمرا
(كانت ابعد ..هو نفسه لا يراها )
النور : يبا كلهم سهليـــــن انت ما تعرف الارقام !! هذي مممممممم 89 5 64 4



كانت الصدمة على ملامح ابي لا تصدق .. فقد كانت جميع الارقام صحيحة مهما بعدت السيارة .. بما يخاف ما قد تم قبل اقل من ساعة حول صعوبة ضعف النظر الشديد !! الى هنا لم اكن اعلم بما يدور بتفكير ابي ..الا انني اردت ان اذهب حاليا لشراء النظارة


النور : بابا متى نروح نشتري النظارة ميني ماوس عيوني تعورني
ابي : مو الحين ..خنرد البيت انتغدى و بعدين انروح مع ماما
النور : اوكي ..عشان ماما تنقي معاي بعد
~~
وصلنا البيت ..و بدأت المواساة من امي
لاحساسها بضرورة جبر خاطري بكلمات تخفف عني صدمة لبس النظارة
و جبر خاطري لمخالفة بنات جيلي
لكن !! اسمع ابي بالخفاء ..يحدث امي
حول اخذ موعد آخر من طبيب مختص
أو عيادة خاصة بدل الحكومة !! لانه شاك بالنتيجة
كما قال .. ان لو النور حقا صاحبة النتيجة
لما كانت اصلا ترى..او تمشى ..أو حتى تأكل بوضع صحيح
لان النتيجة كانت ضعف شديد جــــــدا بالنظر
لا يمكن لطفلة بعمرها تحملها أو تأديه حتى واجباتها المدرسية بنفسها !!؟؟
و كل ذلك بخلاف ما قد تم بالسيارة ينفي نتيجة د.وجدي فقد كانت النور ترى كل شي


فاستغرب امي ايضا من تحليلات ابي و تفاصيل اختباره الفعلي بالسيارة
كما استغربت انا من سرعة فضح امري و ضياع احلامي التي كانت على قيد الانتهاء
"بـــ "ميني ماوس


نعم خفت .. تصروعت ..و توهقت !! لان الامور بدأت تريني نهاية لا اريدها اطلاقا بدات بالتفكيــــر
اعداد الخطط .. للتخلص من عقاب قادم حتمي
~~
اثناء الغداء
2:15 تقريبا



ابي : النور ان شاء الله العصر بنروح حق الطبيب مرة ثانية
النور : ليش بابا ..خلاص مرة وحدة .. انا ما احب الفحص يعور راسي
ابي : لا لا لا بابا ..هذي دكتورة وااااااااايد زينة و لما تطلعين تعطيج هدية اصلا
وعندها النظارات اللي تبينهم..كل الاشكال
النور : لا لا مابي
(ابي : يصير خيـــــر ( دلالة على حتمية الذهاب
النور..احست بنهاية حلمها ..حتى انها تذكرت دلال وقمة الانهزام امامها
فقررت فور ذلك الاستسلام والاختيار بين الآتي
!! اما المصارحة !!! او تذم الدكتور " مجدي" بأنه دكتور فاشل
و دار حوار بينها و بين نفسها حتى انها تناست الاكل امامها و ان كان وقت الغذاء
~~~
اثناء الطريق للعيادة
و بينما النور تفكر بالتخلص من الموقف !! .. يسألني ابي سؤال

ابي : ها النور انتي مستانسة انج بتلبسن نظارة ؟


النور ( خفت من السؤال حــــيل .. قد يكون" تريكي" فورها قررت التالي): لا بابا اصلا انا ما احب النظارات
و الدكتور مجدي ( من الخرعة نسيت انه اسمه وجدي ) دكتور ما يفهم ..عورني و حط اللايت على عيني ..و انا ما قمت اشوف لان كان ظلمه..و طلع مثل دوائر من اللايت ..فما قدرت اشوف .. بس والله انا اشوف
وانا اصلا اشوف كل الساينز لما كنا بالمدرسة عند الممرضة
بس هذا الدكتور مو زين وايد عورني

ابي : اي مو مشكلة انا موديج حق هذه الدكتورة عشان نعرف الصج
(النور :اييييييي مجدي مو زين (مصرة مجدي


~~~

وصلنا عيادة الدكتورة
وكانت عيادة خاصة ..اشبه بالخيــــــــــــال ..الوان وقطار..و العاب
نظارات ميني ... نظارات باربي ..كل شي


وصلنا بالوعد ..و رحبت فينا الدكتورة..و بين احاديث جميلة..تطلب مني الدكتورة الجلوس لاداء الاختبار
و بين الاسئلة المطروحة عن اتجاه كل اشارة ..وحدة اجاباتي ..التي تعكس نظري الصحيح تماما..لانني احسست بوجوب اتقان الفحص خوفا من اي عواقب .. فلم يطول الاختبار اكثر من 5 دقائق


و اكدت الدكتورة اني املك نظر 6/6 "واذا في احسن جان عطني "..على حد قولها
بالمقابل .... بدأ سيناريو ابي بالبحث عن هاتف الدكتور وجدي ..لمحادثته شخصيا أو تقديم عليه شكوى
بأستهتاره بعمله !!.. و انه لولا شك ابي بالنتيجة ..لكانت "النور" قد لبست نظارة قد تعمي نظرها !!؟


وعلى حد تذكري
ان ابي قد قدم شكوى لان الدكتور اصر قائلا
" %ما عملتش حاجة ..غلط و النتيجة صح 100 "
و هو فعلا صــــــــــــــــــــــــــــــــادق
S:


و انتهت القصة .. ببقاء دلال البنت الوحيد بالصف ذات النظارة
"الميني ماوس"
و شعور انهزام داخلي .. يغلبه فرح التخلص من هذا الموقف
المأساوي










ازرق في ورق
~~~~~~~~~
نعم بعدها بكثير اعترفت بكل التفاصيل
بمرحلة الثانوية تقريبا..لاني اصلا نسيـت
و فقد تحولت كذبة النور التي لا تغفر ..الى مزحة تضحكنا
بس
صج صج
د. وجدي وااااايد كسر خاطري
مسكين وان شفته راح اقوله
الحقيقة
المرة
و الله يستر

:D

23 comments:

ARTFUL said...

:)

سلة ميوّه said...

على كثر استمتاعي بالقصه

على كثر خيبة آمالي ..
من ردود الأفعال ضد الدكاتره
في الطب علمونا..إن انصدق المريض مهما كانت اعراضه خياليه لأن في احتمال صغييير ولو شي بسيط بالأميه إن يكون صاج..
ومن هالمواقف انشوف وايد
والقضايا الي يرفعها ولي الأمر أغلب الأوقات مالها حتى نسبة ضئيله بالوصول الى المحاكم لأن
كل شيء مسجل في الملف والدكتور فعلاً ما غلط..
اللي ضيق خلقي..إني تذكرت شكثر احنا يالدكاترة(البعض )ننظلم يومياً
على كثر ما يكون ودنا انساعد على
كثر الظلم اللي نلقاه
وهذا ماينفي إن في بعض يستاهل و لو ودج اتحطينه بقوطي واتصكين عليه وتحذفينه بأبعد مكان :)
المهم بعدماقلبتي المواجع
:) اهنيييييج على القصه الحلوة اللي خلتني اتابع وانا متشوقه اعرف
ويالنور لو إنتي كنتي بنتي جان تليت اذونج على التخروعه وشلع القلب:)
بس عيارة البنات
ويمه يمه من البنات...

ان شالله تلقين دكتور وجدي والا مجدي
عندي احساس انه مجدي :)
وتقولين له السالفه راح يضحك
بس لازم تشرحين له شنو يعني مني ماوس:P
جود يعذرج:)

دام قلمك الحلو

Cesc said...

استمتعنا يا نور...
انكسار الحلم صعب ,
بس تستاهلين لول

jasem said...

صباح النور والنوير
:D
"بابا.... عيوني إتعورني
!!!
هههههههههه
الحقيقة مثل هذي العياره هي أحلى مايمكن أن يتذكره الآباء
وصج صج عيارة البنات غير
في مقولة متداولة بين الآباء
مااتصير ابو الا لما اتييب بنت
بس شفتاي لما تدخل الفهلوي الصجي والخبير بعيارة البنات إشصار
طبت العيارة بالفخ ..يابوحمد
هههههه
الصراحه قصة تصويريه قصيرة
ممتعه حيل
وعلى طاري حدوث القصة على ايام
مع حمد قلم
وكان وقتها
مع دلال نظاره
لكن كان
مع النور عياره
يتبسم لها إلى اليوم
القلم
:)
بسمة 6/6

ولاعزاء لوجدي مجدي
يعيش وياكل غيرها

chandal/danchal!! said...

حبال الجذب قصيرة

خاصة مع الوالدين


ذكرتيني لما كنت اتصنع تعبي عقب التطعيم لدرجة مرة امي اخترعت علي من طريقة مشيتي قالت بنتي انشلت

كل هذا بنحاش من تحية العلم وحصة التربية البدنية


مادري ليش تذكرت فيلم

the good son

شاي الضحى said...

لووووووووووول وعليه وانهدم الحلم الي بنيتيه

بس ما بني على باطل فهو باطل


استمتعت بقراءة البوست ... مشكوره :))))

Reem said...

لوووول !
يحليلج يالنور ، والله ضحكتيني ..

إسم الله عليج بس
يامعوده زين ظهرت الحقائق ، الله ستر
و لا جان علوم !

بس صج محد كلاها غير " مجدي "
لول كسر خاطري ، مسكين !

قواج الله
؛**

~ هند ~ said...

آآآآ يا العيااااااااره
:p

حبيت القصه كتير كتير ..
وحلو ادونين شي عن طفولتج وباجر لي عيزتي تقرينه :p

=)

BeeDoO said...

loooool
mojrema :D

MAZYONA777 said...

قـــصــــة حلوة ومؤثرة
تسلمين
ممكن نصير أصدقاء

jonoon 3aqel said...

هههههههه

استمتعنا بتلك الذكرى اختي..
الله يسعدك و يدخل الفرح عليكي من كل باب و دريشة :)

سبحان الله..
احيانا أمور صغيرة تغير مجرى موقف معين..فيأثر على حياتنا ..

اللي اقصده..تخيلي لو لبستي
النظارة..
و تحقق فوزك العظيم و زينت ميني موس عين تلك الطفلة..
ايش ممكن يكون حال نظرها الحين؟؟
===
ذكرتيني باللي مضى

:)
تحياتي

aL-NooR . said...

ARTFUL

:) 2
:p

**********************

aL-NooR . said...

سلة ميوّه
*************

والله ما كان ودي اخيب املج ..بس تدرين ياهل شطانتي يمكن ما وردت على بشر
و اذا على الدكاترة ..لج مني ادور مجدي مادري وجدي ..و اعتذرله ..
و ما عاش الله اللي يظلمكم ..ترى انا كنت بصير دكتورة ..فا احب كل الدكاترة و احترمهم بس عيارتي .,,و دلعي ..وهالميمي ذبحتني

تليني من اذوني ..تمونين
:D

نورتي ..صباح النور و النوير

***************************

aL-NooR . said...

Cesc
*********

شكرا ..كا انا استمتعت بحروفك
استاهل حيـــــل ..و قلعتي بعد

:p
************

aL-NooR . said...

jasem
**********

صباح الخير و النوير

بعد عيارة بنات ..و لاقين ابهات يدلعون عليهم ..;p
على فكرة المقوله حيـــل اعجبتني
مااتصير ابو الا لما اتييب بنت

ههههههههه

ادري صادوني ..بس طلعت عمرى ..ما حاشني شي ولله الحمد

لا لا انا ما لحقت على مع حمد قلم انا آكل و اشرب
(حق المتن ;p)

تدري انا ما ذابحني الا هالـ دلال
ولاعزاء لوجدي مجدي


:) نورت يا جاسم

*****************

aL-NooR . said...

chandal/danchal!!
******************

حبال الجذب حيـــل قصيرة
و على قولتج خاصة مع الوادين ..لان عارفينا عدل عدل

وحلو اللي يمثلون ,الله حتى بالمشية
:p
عـــاد صج التطعيم ..يعور ..ما فيها عيارة بس يمكن نزيد الجيله شوي

:p
شخباااااري تحية العلم
و تحية الامة العربية !! شماله !!؟

;p
***************

aL-NooR . said...

شاي الضحى
*************

اشوه انهدم ..جان الحين عمية يمكن
صــــــــــــــح
بس ما بني على باطل فهو باطل
صـاجة

امتعني وجودج

***************

aL-NooR . said...

Reem
**********

الريم
هلا هلا

اي والله جان علوم ..تخيلي لو انا لابسة النظارة !!!

و حتى انا كسر خاطري مجدي ..شكلي بدوره !!
:p
و اعتذرله ..كيـــــــــف
*****************

aL-NooR . said...

~ هند ~
**************

ادري ادري عيــــارة حيل حيل
بس والله الحيـن لأ

ما يقولوووووون تعيزيــن
في ناس يضيق خلقهم ..كفاية نظرهم قل
:(

********************

aL-NooR . said...

BeeDoO
*************

7aiiiil
mojremaaa :P


******************

aL-NooR . said...

MAZYONA777
****************


نصـيــــر تامرين امر
:)

تسلمين

*************

aL-NooR . said...

jonoon 3aqel
***************

هلا بجنون عاقل

آمـــــين و يسعدك ,,ويشرح قلبك و صددرك :)

اي و الله لو انا لابسة النظارة يان علوووم ..يمكن عمية ولا حولة يكافينا الشر
:p

والله يا جنون كل من ميني ماوس !!:p

*************************

..pen seldom said...

:)

مسـاء الخـير ..

أجــل بالنهـاية ما لبستي نظــارة

/:

هههههه

لوو يدري عنك دكتور وجدي ,,

ما ادري شنو بيكون موقفه , ما ظني بيضحك ..

أستمتعت بقصة طفولتك ..

وبصراحة , أنا لا زلت أرغب بلبس النظارة

؛)

وشكلي بلبسها قريباً ..


كنت هنـا .. أرق التحايا لقلبكِ ..