Sunday, November 8, 2009

مو جنه هالصبح ..غير ؟





احب الصبح و تفاصيله .. غصون تغار من همسه.. براااااد يكتكت بظله .. و غيوم اول "نوفمبر" وهي من قطره شتا تقسى .. و شتا " ديسمبر" ..و هو يعبر .. يعيشنا بلون الشمس .. صباح الهمس
..و الو .. واهلا ..غناوي صبح تذكرني بهذاك الامس و اظل ابتسم و اسكت و اغمض عين و اتنفس
امممممممم احب الصبح و احب دربي ..دوامي ..زحمة ايامي .. احب الوقت لو زحمة .. احب اتأمله دربي
و شارعنا ..و ندى لغيوم
وطيـــور تغرد بغفله تسمعني دفى " يباب " و هذاك الطير تخايلي و هو "يرمش" بدون اسباب
اشوف الدنيا حواليني ...حيل احلى..و كل من حولي ربع واحباب
عسارة ناس ..عيون اطفال ..و اعصاب امهات الوان .. و نحاسة هالـــ ابو شفقان
خداي السايق المسكين وهو بغربته ولهان
احب صورة صباح اشبه بـــ
"حياة انسان "
تفاصيله ..وهي معتفسة و مينونه .. رغم ترتيب من حوله بأي نظام كان
و
احب اكتب كل مافيني ..بدون حدود ...بدون قيود
و حوليني حروف تبان
احب صورة صباح اشبه بـــ
"حياة انسان "






:)
شلونكم ؟
مو جنه هالصبح ..غير ؟

36 comments:

aL-NooR . said...

ادري الجو لاعب لعب
;p


صباااااااح النوير

*******************

jasem said...

حيييييل غير
إمبين غير
مسطوره أدلة
وإشهود
تشهد غيير
وتسألينا من بعدها
؟!
لوووول
ماشا الله عليج
عيني عليج بارده يالنور
اشفيج امبدعه بالاوزان
:)
صباح النور والكرامه
صباح حيل غيير
ويبيله ينقري مره ثانيه مع قهوه
قراية تذوق
اليوم أشوه قريت بالبيت
الحين اطلع وانا مرتاح
لووول

jonoon 3aqel said...

سبحان الله

شفتي اشلون الجو ممكن يغير النفسية 180 درجة!!

دمتي سعيدة كما هو صباحك
>>> خداي دريول في غربته هههههههههههه
جبتيها صح

تحياتي

ميمة السبيت said...

** حده مو صج صاير شي خيال

صباح الورد عالورد

aL-NooR . said...

jasem
*********
صباااح الخير
سما زرقا .. و مسافة وطير
غير و غير
:p
على وزن كلامك

تصدق عاد انا كنت بكتب نص عادي و بنيتي انه مو موزون ..بس الوزن ساعات يغار و ما يبي الا اكتبه !! فألقاني احوس على الكلام ..و ما اكتب الا اهوا

بماانك متذوق محترف و احساسي انك هم شاعر محترف بس ساكت ..ما اييك هالشعور ان الموسيقى الوزن تلحقك بكل نص ؟

:)
بانتظار
المره ثانيه مع قهوه
صبااااح الخير و النوير

*****************

aL-NooR . said...

jonoon 3aqel
***************

سبـحانه
اي والله الجو يغير النفسية
بصورة خيالية

اي والله يكسرون خاطري..هالسواق
هادين اهلهم بالغربه ..واكيد بيسرح

بس انت عاد مالك شغل ..
دير بالك الطريج
:p
مو عذر

**********************

aL-NooR . said...

ميمة السبيت
*****************

هلا و غلا بميمة :**
اي والله يلومونا لا صرنا نفيض بالمشاعر
عااد احنا زاهبين
;p

صباااحج نويــــر:*

************************

شاي الضحى said...

انشالله دوووووووم الجو جذي

انا من زمان ما طلعت الصبح بس اليوم طلعت وتوني راده وناسه ماكو حر ولا حسيت بالشمس :)))

jasem said...

إي والله صاجه
من عمر وهالوزن الموسيقى ايلاحقني بكل نص
أصلا النثر والشعر دايماً إمداحر بأفكاري
وساعات تكمش شعر بينهم
:)
أعرف شعورج لما الوزن يتل غصب
إلا تكتبني
أقوله يايبا يووز
مايسمع الكلام
غيار وإمدلعه شسويله بعد
المشكله كل ماله ويزيد
أسولف مع الناس جد
ماوعيت إلا ياني ووزن السالفه
ويخلي الناس يفهومني غلط
عبالهم أتغشمر بسبة الوزن
:(
وياليتني كنت شاعر محترف جان مفتك
وراسي على بر
لا آنا قصتي أغرب من جذيه بووايد
:)
مع إني حييل إنسان بسيط
بس من نوع
بسيطه ماتستبسطهاشي
قوليها عشر مرات
لول
النور شوفاي شوفاي الدلوع الوزن إشلون ياني الحين من عقب ماتستبسطهاشي
طمر يقول لي
:-
طار في الهوا شاشي
وإنتا ماتدراشي
ياجدع
بلاا منين اطلعت هذي الاغنيه المغبره

الحين تقولين تنطرين القراية الثانيه للنص
وآنا أقولج
شفتاي أول ثلاث أسطر من ردج
هذا إبروحه نص
علقني شاورما قص
مع اني ادري انه بسيط ظاهريا
لكنه هذا يختصر عندي نص خطير
كنت بنزله هونت الحين
عقب ماسويتيني شاورما
ياجماعه إشصاير
الجو إمشربكنا تشربك
ولاني قادر أفهم اشلون
ولااشلون اشرح السالفه
مادري
ماأقول إلا الجو غير
والله يستر

aL-NooR . said...

شاي الضحى
***************
هلا وغلا
الحمدلله على السلامة
شقت بوست دبي
:)
اييييييييييي فرصة هالايام طلعي الصبح لا تفوتين هالطلعات

:)
انا هالويك اند كله بره البيت ,,حتى شاليه ما رحت معاهم ..قلت يبيله غذا و عشا و ريوق :)

*********************

ARTFUL said...

الجو يصير بعيني بايخ عقب رحله قصير غيرت فيها المود

;p

aL-NooR . said...

jasem
************

:)
اشوة طلعت انا انسانه طبيعية
مع ان الوزن يوصل عندي مراحل بس مو لدرجة تكمش شعر بينهم

لا لا و بالكلام العادي احاول
اتنقى الكلام ..جوود ما يتلني الوزن مو حلوة ..بروستيجي

وعلى طاري
قصتك .. في اغرب من انك شاعر محترف و معتزل ...... و بسيط !! ما اتوقع في اغرب من جذي
:p

بسيطه ماتستبسطهاشي
قالتها و يمكن مديري اسويلي سالفة منك
ليش تسع مرااااات !! صار فيني نفس البوست ششششششششششش

(الوزن)
و شخباري
شاورما قص
لا خلاص ما من نص
اذا فيها طواري قص
حفظت الدرس
ما من نص يثير القص
:p

قولها 10 مرات
;p

مساا الخير و خفة الطينه

*************************

aL-NooR . said...

ARTFUL
*************

احم احم جني ما فهمت
رحله قصير ؟

:p

******************

Fishah said...

الجو غير لاني غايبه عن الدوام

احم احم

:P

aL-NooR . said...

Fishah
************

هلا والله
اي والله غيـــــر
وان ااقول ليش..اثاريج غايبة
;p

عسى طلعتي ترى الجو حلووووو
مو مال قعدة
***************

chandal/danchal!! said...

قاعدة اقرا بوستج على اذان العشاء... نسيت شنو كان شعوري الصبح

تبين الصج!... انا فاقدة حاسة التأمل من تزوجت!

jasem said...

النور
-----
من زمان طالعه
وطبيعيه وزود فوق طبيعيه
لا لااتخافين على البروستيج
:)
أخالفج الراي..أتوقع فيه أغرب فيه فيه لوول
هذي بسيطة ماتستبسطهاشي ترى نفس نمط اللعبة المشهوره
خميس كمش خشم حبش اللي تنقال عشر مرات
وهالأيام طالعه وحده يديده إتقول
طبيعي النص يثير النص
ههههه
ذكرتيني بسالفة شخباري
كنت أضحك مع خواتي علي سوالف أول ومنها
صمون قص
هههه

مساء نور الطينة أم جناحين
:)

jasem said...

ترى لازال المسا غير
عشان جذيه نزلت بوست غير
والمعذره من التأخير
:)

ظــامـي ســـراب said...

طـيـور تغـرّد بغـفـلـة
تسـمّـعنـي دفـا يـبّـاب
وهـذاك الطـيـر تخـايلّي
وهو يرمش بدون أسباب

فديت هالنبض!

~ هند ~ said...

حبيت البوست وااايد =)

وصباح النوير :*

DiLLi O MiLLi said...

عقب هالكلام اللي جنه ماي بارد يسرسح على القلب

أكييييييد هالصبح ،،،، غيررررر





صباح الضحكة لا طارت
لامست نسيم الصبح وأحتارت


:)

BeeDoO said...

والله جنه غير ..

حتى النور غير بآخر بوستات

ولا مال مجهول المسافة والشارع

روعه

مـي said...

صباح الورد

وكل الورد

ياعيني ع المزاج العسل

صراحة ، أحب المزاج الرايئ

:)

لا شعوريا انتقل لي احساس التفاؤل والانتعاش اللي في كلماتك
النظرة الحلوة حتى للزحمة
;)

عسى مزاجك دوووم وردي

لك ودي

Cesc said...

جميل الصبح لكنه اصبح مع كلامك اجمل ..

أضفتي للجمال جمال ,
وللصباح اكثر بياض مع كلماتك ,

aL-NooR . said...

chandal/danchal!!
*************************

اهلا اهلا
الا اسألج انتي شيعية ولا سنية ؟
هههههههه يا حلوج و ياحلو بوستاتج
خف طيــــــنه ..سمالله عليج :**

على طاري الشعور ..مو مشكلة اقري مرة ثانية بس الصبح ;p

و اذا على الاحساس ..بيدج تزيدينه ..عليج بالقصص الرومانسية ..و ممممممممم ويفضل
عنتر و عبلة
;p

*************************

aL-NooR . said...

jasem
***********

اي اشوة كلي ولا البروستيج
:p

لا انا اعرف وحدة بعد ..خيط حرير على حيط خليل ..كانت ومازالت تعقدني
اقوى من النص يثير القص
تخيل ههههه

مسا الكاكاو
و بوستات المسا
والـــ واااااو


***********************

aL-NooR . said...

ظــامـي ســـراب
********************

هلا بــــــــ
"مخضرم الاحساس "
يصير اسميك جذي ؟

تسلم ..من بعض ما عندكم ..
:)

*********************

aL-NooR . said...

~ هند ~
************

هلا بهنوده
حبتج العافية :*


مسا الانوار والاسرار

******************

****************

aL-NooR . said...

DiLLi O MiLLi
*********************

هلا والله ..بدلي
و ملي ..و العشيـرة :p

غيــــــــــــر بوجودج

الله الله شهالكلمات :**

صباح الضحكة لا طارت
لامست نسيم الصبح وأحتارت


*******************

aL-NooR . said...

BeeDoO
************

اهلا وسله بالغايب
عليك تأخير ترى


اي غيــــــر
غـيـــــر

الجو عامل عماليل وانت الصاج
اشوة عجبكم :)

*****************

aL-NooR . said...

مـي
*********

هلا الله مي
صبــــاح النوير
و
المزاج العسل

اي والله حتى انا حب الروآن
;p

اي ملينا من كثر ما نشوف كلي مو حلو
حتى الزجمة لها طعم
:)

حيــــــاج
:*

*******************

aL-NooR . said...

Cesc
*********

هلا بصاحب الاحساس الراقي
و الاجمل بوجودكم حولي
ببياض ناصع ..كقلوبكم اجمعيــــن

شكراااااا

***************

الزين said...

اشوف الصبح بعيونج حيل غير
اشوفه فديت انا جفونج وصباحج خير

اشوف الكلمة متخصرة
تماري بثوبها ازرق
بعين النور يالقمره

انا متأكده صباحنا غير


وصباح الخير
:**

xname said...

نظرتج للجماديات تفندج
تشوفين اليوم انسان..

اللـــه من قلبي اقولها
انتي انسانه ;*

صباح خير ومسا غير

ابي يضبط لي وقت بقرايه بوستاتج الصبح كله مسا مسا ..

خلاص ماكو غير اقرا عقب الفجر =))

aL-NooR . said...

الزين
**********

هلا بالزين
و طيوف الصبح بعيونج
هلا و اهلا بحروفن تطرز بالخفا ثوبج


:*
و الله انتي اللي غيـــر
و فداااج عيون تغليج
يالقمرة :*


صبـــاح صار غير

****************

aL-NooR . said...

xname
**********

تصدقين فاقدتج :*
و فاقده ..كلامج الحلو
:*

عاد توني نزلت بوست
لن شاء الله اظبطت ؟

بشري :)

*******************