Wednesday, November 18, 2009

النور و مساجلة ~ اسمعك



مع هالجو و طاري مطر ..مسكت القلم .. و حاولت ارد على كلمات الامير فيصل السديري بطريقة مساجله شعريه و هذي الكلمات غناها "راشد الماجد " بأغنية رائعة بآخر ألبوم .. فلكم ردي ان شاء الله كلماتي تعجبكم .. اقروها و قولولي رايكم



قال الاميـر : فيصل السديري
-----------


اسمعك كمل كلامك بعد احبك أيش قلت تحسب اني يوم اطــالع غيرك اني مااسمعك
لا وربي مااتنهد مااتصدد ماثقلـت اسمعك واشـوف غيرك واحمد الله اني معـك
انت ياللي طول عمري ماعرفت ولا جهلت ضعف نفسي لين ربي في فؤادي ربعك
جيتني مثل الجنون ويوم فارقتك عقلت وهاك شفني بعت عقلي جيت بجنون اتبعك




* قالت النـــــــــــور
-------------

بعد احبك ويش اقول
غير احبك الف مرة .... واتبعك

لا ترددلي كلامك
تدري اني ... بصمت خافي .... اسمعك

سمعك اللي صار حسي و الضمير
والنظر بين عيني .. طفل شفقان و ضرير
مو بيديني .. صمتي يوصل .. بلا صداك
هذا سمعي ..و هذا صوتي ..مختلف فيني نداك
ولا بديني ..صدي عنك .. حتى في لحظة رجاك

مابي .. ابدي .. ولا شعوري يوصلك
.. انه ماودي بدافاك

ابتسم
لا تطالع غير... عيني
تدري اني حيل .. اغار
شوفني .. اسمع حروفي
بين ايدك شيل .....نار

ان عرفت و ان جهلت

ودي تعرف اني غصن(ن) حيــــل عالي
حتى ما عمري ذبلت


وان جهلت ..أو بطيت ..و ماسألت
من بعيد .. اذكر انك شفت باب ..و انت في ايدينك دخلت
و اذكر انك ..شفت صدي ..وما زعلت!؟


لا ترددلي كلامك
تدري اني ...اسمعك

و ان سكت
لا تخاف .. قصر عالي فمنزلك


دايم اسأل نفسي... عنك
كيف اني ... دوم احسك
و انت مازلت البعيد


دايم اسأل نفسي... عنك
وشهو اقرب انت لي ؟!؟
ولا نفسي منك !؟


ما كفاك
!!
تردد لي اسمعك

!ويش اقول
غير احبك الف مرة.. واتبعك





ازرق بين الورق
~~~~~~~~
تهقون اطرشها حق فيصل السديري ؟
:Pp

47 comments:

aL-NooR . said...

*
على الهامش ..كنت بحط الاميرة النور
بس استحيـــت منكم :p

ها شاريكم ؟ شلون النص ؟


صباااح النوير
و القهوة الناطعة

*************************

~ هند ~ said...

=)

ايه حطي "الأميره" .. يلبأ لك :*


حبيت كلماتج وايد .. وحبيت الحركه :)

mtfa2el said...

الـلـه

ابداع فوق الوصف

وايد يازتلي
و مع هالجو

:))

ARTFUL said...

اييي دزيها له جود يزوجج ولده ونفتك قصدي ونبارك لج

;p

جميل جدا

:)

aL-NooR . said...

~ هند ~
************

صبــــاح الخير والنوير

مادري استحيـــت مع ان كل واحد اميــر نفسه ..:p
=)

تهقين يلبألي ؟
;p


****************

aL-NooR . said...

mtfa2el
***********

هلا بــ متفاءل
شكرا من ذوقك ..

اخجلتم تواضعنا

اشوه يازتلكم ..من جذي ابي رايكم ..لاني بطرشها خلاص
:p

صبحك الله بالنور
والايمان و طاعة الرحمن

***********************

aL-NooR . said...

ARTFUL
************

هوووووو ..ليش عااااااد تفتكون
:(
والله مو طايحة بجبد اهلي ولا نفسي

شهالاجرام ؟
من صباح الله خيـــر
صبحك الله بالنور و النوير


:)

************************

Anonymous said...

:) اي دزيها ماتدرين
يمكن تنشهر ولا يضيفها حق شعره

ميمة السبيت said...

** صباح الورد عالورد

احلى اميرة والله :)

Manal AlNuaimi said...

ابصراحة من اجمل البوستات اللي مريت عليها هالاسبوع في المدونات ..

صج صج روعة ..

إييني الحماس الكتابي يوم أشوف او اقرا شي حلو ..

ومساج ورد ..

الحــــر said...

أنا أقول طرشيها

صح لسانج أخييتي

صباح النور
:)

jasem said...
This comment has been removed by the author.
اللولو المنثور said...

مرحبا
شحالج حبيبتي

كلماتج تجننن
كنت اغنيها بلحن الغنيه بدون ماأحب
حبيتها وايد!!!
ماشالله عليج

ابا اشاورج في شي
مم
ممكن اطرش مقطع من كلماتج كمسج؟

lawyer said...

كلمه ابداع شوي


من ارررررررررررررقى السطور

والتعابييييييييييير


شي جميل يا النور





والله ماني عارفه شقول






اذا مادزيتها اناااااا بدزهاااااا

chandal/danchal!! said...

عشتي وعش-عشتي وما حاش ابوج من الخير حشتي


اتمسي بالخير

:)

jasem said...

أممم
حقيقةً في الواقع أشوف كلام ممكن يلقى تمحاب كبير من الأخ الزميل السديراوي وشكرا
:)

sweetya said...

كلمات رائعه من انسانه مليئه بالمشاعر الجميله


دمتي وبانتظار جديدك :)

نهــــــــــار said...

السلام عليكم ...
صباحج نوييير ...
...
عني أقول طرشيها وإنتي مطمنه...
يا الأميره النور ....
...
ماشاء الله روعه...
..
دمتِ بخير

aL-NooR . said...

Anonymous
*************

ممممممممممم
افكر اطرشها
ما يندرى بس اكيد اهوا راح ينشهر بكلماتي ;p

مو صح ؟


:)


*******************

aL-NooR . said...

ميمة السبيت
*******************

هلا وغلا بميمة :*
صبااحج نور ونوير ..يالغالية
حبيبتي الاميرة انتي والله

ها بشري شصار عليكم ..استقريتوا على السيارة ؟

:*

******************

aL-NooR . said...

Manal AlNuaimi
******************

يا هلا و مسهلا
هلا منال ..
حبيبتي اخجلتم تواضعنا ..
الروعة مرورج :*

اي عفية ..احب اشوف كتاياتج
ما تنمل ابد ما شاء الله

صباحج ورد :*

********************

aL-NooR . said...

الحــــر
***********

هلا بالحر ..اي ان شاء الله ناوية
;p
مشكووووور ما قصرت من بعض ما عندكم

صباح النوير

************

aL-NooR . said...

اللولو المنثور
***************

مرحبتين
بخير ..دام اشوفكم حواليني

الاروع وجودكم
:).. عاد عسى صوتج حلو لما غنيتيها
حسافة لو سامعتج ;p

********************

aL-NooR . said...

lawyer
*********

هلا وغلاااااااا بفطومة الغالية

حبيبتي من ذوقج ..من بعض ما عندكم
والله الجميل انج منورتني اهني :*

صج اعجبتج ؟

خلاص شكلي بدزها
;p

******************

aL-NooR . said...

chandal/danchal!!
********************

عاشت ايامج ..حبيبتي ..
يا حلااااات كلامج ..

ناااااااطع
:*

********************

aL-NooR . said...

jasem
***********

:(
ليش شلت التعليق الاولي ؟
تصدق تضايقت وايد..لان حبيت التعليق ..و كنت ناوية ارد
بس على راحتك ...

تدري حتى ما عرفت اذا النص اعجبك ولا لأ ؟

شنو يعني
تمحاب ؟

صبحك الله النور


********************

aL-NooR . said...

sweetya
************

شكـــــــــــرا
الاروع مرورج
و الاصدق مشاعرج

:)

*******************

aL-NooR . said...

نهــــــــــار
*******************

هلا بالنهار
وعليكم السلام
و صبحج الله بالنويييير

اتهقين اطرشها ؟
:)
من ذوقج والله ..
والاميرة انتي بالنهار

نورتيني ..لا تباعدين

*******************

jasem said...

آسف يالنور
أفا عليج ولا إتضايقين ,, كل شي ولاضيقتج
الحين أعيده
بس خفت إني تغشمرت بإسم السديراوي
بطريقة إتضايق جماهيره
بس يلاا أحسن خل أعلق عقب ماأقرا المساجله زود
:)

دمعة المقهور said...

شلونج يالنور

اختيار عجييب مع الجو

وميتة من الحرة لأني ما أقدر اطلع والسبة النفاس احس كلش مو وقت حكرة

:)

روميـه فهد said...

نوري...

كلمات رقيقة .. بسيطة .. مرتبة على السطر بـ روحك العذبة.

طراوتها في أسلوبك المرهف.. أكسبته حتماً ألقاً ...

أعجبتني يالنور جداً ..

دمتِ لمن تحبي

روميه

jasem said...

تقولين أطرشه
أقول كلامن حسه ثقيل
وعشان يوصل
يبيله من يشيل
طيب وإشوله
تكاليف نقل وتغليف
دام إنه كلام ثقيل وبالعالي
قطيه قط
يوصل بالجاذبيه
بس أخاف يطيح على راس الأمير
ونستاثم فيه
:)
فا احسن
دام إنج فوق غيمه
وكاني يمج سايق
B52
الحين آخذ كلامج أوصله للأمير
قصدي أنزله للأمير
عشان يشوفه كلام نازل من علو
:)

وضربتلج مثل
قلت لج
شوفي سليمان عليه السلام
ليش طرش هدهد مو آدمي
وليش قال للهدهد عن كتابه:-
ألقه عليهم
ماقاله سلمه لهم قال ألقه
يعني قطه من علو
فخلى الملكه إتفكر
لا خسبقها بعد
إتشوف مكتوب بالرساله
"ألا تعلو علي"
وإتشوف الكتاب نفسه
ألقى من علو
:)
أمممم
قالت هذا ملك مختلف
وعشان جذيه ماإقتنعت بكلام الملأ لما قالولها بعنفوان وغرور الرجولة
نحن أولو قوة وبأس شديد
يعني يلاا آمرينا بالحرب
مساكين مايدرون شنو الخافي عنهم من قوة سليمان
اللي كان جيشه
إنس وجن (بعفاريتهم وشياطينهم) والطيور والريح
هذا غير وزيره اللي يعادل هالجيش كله
أما هذولي مغترين بشوية حديد
لكن ذكائها العاطفي خلاها تحس
كان يقولها لأ
هذا راح يدمرنا إذا حاربناه
خندزله هديه ونشوف
طبعا القصة طويله
يبيلها قصيص مسا
لكن أوقف عند
إتقولين أطرشه
وإتقولين
بقيت أكتب الأميره بس إستحيت
وأقولج ترى بالحس كانت مساجلتج أعلى من كلام المسجول
وأقول
إنه كونه باللقب أمير
مايمنع إنه ينزل عليه كلام من علو
من اللي بالحس أمير
فا ماعليج
طرشيه
وإذا إنغر عليج علميني
عشان أييبلج عرشه بطرفة عين
;p

BookMark said...

طرشيها على مسؤوليتي ;P

أبدعتي

BookMark said...
This comment has been removed by the author.
حَافِـيَةُ الَقَدمَيّـنْ ولِبَاسِي المَطـرْ said...

يازييين تواضعج يالنووور :*
تدشين القلب مشالله
حييل حلو اللي كتبتيه بلحن الكلمات وبغنيها بشوف شلون تصير p;

,
صباحج ورد

أُنْثى مِنْ حَرِيْر said...

أبداع بطعم [ السكرية ]
احاسيس فاقت الخيال
..
دمت بخير

ReLaaaX said...

دزي ليش ماتدزين .. وحطي ليش ماتحطين ;p


كلمات صراحة روووعة

والاروع إنها من نووور


ويحق لج تحطين الاميرة نور :) ماعطاج ماعطاني ;p



ودزيها ليش ماتدزينها ؟ :))

شي حلو ان تلاقي قبول ورد من الناس بالنسبة لي مااشوف ان فيها شي تدزينها خصوصا ان الكلمات موزونه وتدش القلب :)

esTeKaNa said...
This comment has been removed by the author.
الزين said...

نص حلو

مرتب


.....

ذكرني بنصين كتبتهم

جمرة غضا

وصوتك يناديني


اعتقد قاريتهم انتي

صح

:)

aL-NooR . said...

jasem
********

اهلين جاسم ..والله انا اللي آسفة
خليتك تعيده ..استحيـــت :$

و اذا على السديري ..عندي قرين لايت كمل مالك شغل
:p

يعني تقول اطرشة ها ؟
بس عليك
تكاليف نقل وتغليف
دام إنه كلام ثقيل

بس اذا طاح على روس بعض الناس انت المسؤول يا سايق
B52

الله يجبر بخاطرك :)
الأميره
وبالحس مساجلتي أعلى من كلام المسجول
لا لا واااااايد
انا اللي بنغر

و اعذرني اذا وصلك مني بيجر ..يعني نويت ادزله

و ترى ما شفت الموفي ..ولا تعليقك على 2012
;p

********************

aL-NooR . said...

دمعة المقهور
*************

الحمدلله علة السلامة :*
بخير اسأل عنج و عن الحلوين

طرشيلي عنوانكم ..و يوم وترك امرج ولا يضيق خلقج :*

طمنيني عنج :*

********************

aL-NooR . said...

روميـه فهد
*************

هلا والله برومية :*
و العذب وجودج ..و نورج الطاغي

ترى ما ارتوينا من كلامج ليلحين :*

هالله هالله بالبوستات
:*

****************

aL-NooR . said...

BookMark
****************

اهلا

خلاص على مسؤوليتك
:p
بطرشها ..شكرا شكرا

******************

aL-NooR . said...

حَافِـيَةُ الَقَدمَيّـنْ ولِبَاسِي المَطـرْ
********************************

هلا وغلا :*
يا زينج و يا زين مرورج


و على الكلمات ناطرة ..الاغنية بصوتج
مو تنسين
;p

**********************

aL-NooR . said...

أُنْثى مِنْ حَرِيْر
*******************

طلة بطعم الفراولة
و شكرا من بعض ما عندكم
شكرا على احساسج
نورتي

****************

aL-NooR . said...

ReLaaaX
*************

هلا برلاكس :*و طاري السبا
;p

تهقين احط الاميرة
خلاص من أراءكم بطرشها و اقولكم شصير
;p

,الله حضورج اللي يدش القلب
:*
نورتي يالغالية


****************

aL-NooR . said...

الزين
**********

هلا يالزين :*
وينج ..فقدناج من غير شر

حلت دنياج
عليج غياب ؟

****************