Tuesday, December 8, 2009

هامة و قمر


بين ارجاء مؤتمر ابعدني عنكم خلال هذه الايام .. النور تبدو مشغولة بالتركيز الممل ! ..الى ان اصبح المحاظر مملا جدا ..فغلب مللي بنفسي ..اخذت صفحة بيضاء اللون .. و حاورتها بقلم مل السكوت..بعد تأثير رواية بأمس قد قرأت
لكم طيات نص ..مثار بمؤتمر ..حضور كبير ..اكاد اسمع تصفيقهم ربما لي بعد شطر يكتب
اوربما لمحاظر امتاز بطرحه الاجمل
لكم ..انتم ..و انتظر رأيكم




*****



ابنسحب من عالمك و ابي امتطي هامة و قمر
ودي انا ارحل
والوم انا حظي و من لامه
أو
اسكب عطر
اصرخ بهالغفلة ...علامه ؟
أو انكسر
هذا الخيار و بيننا ؟
ومالك عذر
لا عشت شفقان .. و طاري الفرح يبـــ يعتذر
تدري اخاف ؟
لما تدور راحتك
خيط الامل من فرحتك
يبعد شبر
شبر(ن) تخطى خطوتك
بس ما يمر
زولك سبق طيفي ..عمر
لما دني مني ..بعد عَبرة ..عبر
يكفي تنساني .. بــ نظرة خطى
يطلب من عيونك ..بعد صمتي ..عطى
ماي ومطر
تفضل
لك كلامٌ ... يرفع قدر
من ينسحب من

" قلب يحب "

ابد ما عمره عطى

ولا يقتدر
ولا حتى .. بعمره قدر

وين العذر

وصمت الشوارع

بيننا ما تستقر

اصرخ كفى
صمت..و سكوت
وين الدفى ؟
وانت تناسيت الوعد

ذالك العهد لو تعتذر

ابد ما منه ~ وفى؟

(صمت)

غاب الرجا
و ذاك الظلام

مني رحل

مثل العباة بــ ظلمة دجى

تمضي على باقي ~ وحل

غاب النظر

صرت ارمش .. اون
آه يا وزن الجفن

ومالك عذر

سبقت انا عمري عمر

وغاب النظر

ارد انا .. مالك عذر

لا عشت شفقان .. و طاري الفرح يبـــ يعتذر


.
.
.
.
.
.
.
.


انتو
شلونكم ؟




25 comments:

aL-NooR . said...

شلونكم ؟

والله
والله
والله
فاقدتكم

:)

************

Engineer A said...

welcome back !

سبقت انا عمري عمر

وغاب النظر

ارد انا .. مالك عذر

لا عشت شفقان .. و طاري الفرح يبـــ يعتذر


**********

خاطرة حلوه حيل عشت بين كلماتها :)

Manal AlNuaimi said...

مساج ورد يالنور ..
اشلونج عساج بخير .. ولهنا عليج وعلى "الازرق"

اذا المؤتمرات تخلي الواحد يكتب جذيه روحيها كل يوم ..

ابصراحة وااااايد يازت لي
..
وجميلة كالعادة ..

نون النساء said...

مالك عذر


الله يالنور
كلامج يدش الخاطر



مالج عذر تسألين شرايكم
مالنا راي اذا الكلام الزين يفرض نفسه


ومسا الخيرات والنويرات والمربعانية اللي مايات للحين

دمعة المقهور said...

مساء الخير والجو الحلو

تشتاقلج العافية

ياحلو كلامج يالنور

لاتغيبين

:)

Reem said...

" أبعتذر عن كل شي ..
إلا الهوى ! .. ما للهوى عندي عذر "
- بدر بن عبدالمحسن -

" لا تعتذر ..
دام الهوى ماله على قولك عذر !
و الجرح - يا جرحي - يداويه الصبر
ليه العذر ؟ "
- الأمل المجروح -

؛
؛

طرت علي لما قريت كلماتج ..
الأشياء الجميلة تأتي تباعاً يالنور :)

إحنا بخير ، يا عساج بألف خير ..
ماتفقدين غالي يارب ، إنتي بعد لج فريه ..

و صح لسان من قال و كتب..
جميلة كالعادة

ARTFUL said...

دايما المشغول يبدع

;p

سئليني ايام الدراسه

jonoon 3aqel said...

احنا طيبين الحمدلله..


ما يسيير تردين على نفسك اول وحده..
ظلم!!
جيه محد بيكون الأول
==

كأني أقرا كلمات تتغني فيها نوال الكويتية
:)
حسيت أنها ممكن ف يوم تتلحن و تتغنى

هذا تأثير المؤتمر ما شاء الله!!

دمتي بخير

تحياتي

ميمة السبيت said...

** ولهنا عليج اكثر وينج اختفيتي

Fishah said...

صباحووو

حتى احنا فقدناج :**

انا غطيت فتره .. امي بالمستشفى ليلحين ومودي كان مو حلو :<

وناسه اذا هالحجي يطلع من حالة ملل بالمؤتمرات .. الله يكثر هالمؤتمرات ههههههههه :)

Cesc said...

جميله جدا نور .
واحلى باك ,
بصراحه المؤتمر سوى شغل معاج ,
واحنا بعد افتقدنا كلماتك ,
دمتي

SHAHAD said...

ومالك عذر

سبقت انا عمري عمر

وغاب النظر

ارد انا .. مالك عذر

لا عشت شفقان .. و طاري الفرح يبـــ يعتذر


.
.

صح لساااانج
اييه والله مالك عذر

دمتي مبدعة : )

Anonymous said...

قصيدة جميله ..شكرا

aL-NooR . said...

Engineer A
***************

Thanks sweetie
عيونج الحلوة
نورتي سويتي


*******************************

aL-NooR . said...

Manal AlNuaimi
*********************

مسا الانوار يا منال
احب تواجدك هنا :*
انا بخير اسأل عنج
ما تفقدين غالي

خلص الؤتمر
:)
الجميل تواجد منال والله

***********************

aL-NooR . said...

نون النساء
*************

هلا بالنون
و الزين كله
والله انتي اللي بتواجدج تفرضين الي كلة

و صبااااح النور و النون و كل حرفن نقش لغصون

*******************

aL-NooR . said...

دمعة المقهور
**************

حبيبتي :*
انتي شلونج ؟
ولهنا عليج
ووجودج احلى من كل شي

بعد انتي
و لا تباعدين لاتغيبين

:*

***********************

aL-NooR . said...

Reem
**********

الريــــــــــم
:*

اخيــــه على هالقصيدة تعور اقصى القلب :)
البدر و الامل
مساجلة مخفية راقية ابعد الحدود

اهم شي انتو بخير ..ولا انا الحمدلله
بس فاقدتكم والله

والجميل تواجج انتي اهني ..:* و ترى ناطرة القصة

********************

aL-NooR . said...

ARTFUL
************

اي والله
اتلهي نفسك بشي و انت كفروض لاهي بالاهم
:p

عفية شنو ابداعاتك ايام الدراسة

*****************

aL-NooR . said...

jonoon 3aqel
****************

والله من زمان عنك
الحمدلله انكم طيبيين
هذا اهم شي


اي عشان محد يزعل
بس تعال بقولك و بيني و بينك
ترى المركز الثاني
بسر اسمه
(الاول بس محد يدري الا انت )
;p

عاد نوال احساس مو طبيعي
بس انا يمكن ضد حروفي اتنغنى
و اي والله كله من المؤتمر
بس حاشني تأنيب ضمير
:$

من زمااااان ما زرتك
ياية فرشوا الرد كاربت
;p


************************

aL-NooR . said...

ميمة السبيت
**************

كانيييييييييي
كانيييييييييييي
:*
منورة مكاني
;p
والله انا اكثر

*************

aL-NooR . said...

Fishah
************
هلا بالغالية فشة
صباح النويــــــر
ما تفقدين غالي
:*


حبيــــــــــبتي ما تشوف شر
بشري عنها ؟
عسى الله يطلعها من باجي شرورة

طمنيني ؟

اي والله
الله يكثر الؤتمرات ونااااااااسة
***************

aL-NooR . said...

Cesc
*********

هلاو سهلا
شاعرنا

اي و الله خوش مؤتمر
:)

ما تفقد غالي
شكرا

*****************

aL-NooR . said...

SHAHAD
************

هلا بالشهد
شلوووووونج؟
شكرا شكرا
و دمتي انتي راقية
و مبدعة جدا

**************

aL-NooR . said...

Anonymous
**************

شكرا
:)


************