Thursday, January 28, 2010

صفحات الجريدة





بصفحات الجريدة .. بالاخير
شخص(ن) توفى
شخص(ن) مرض
شخص(ن) غرق


بوجوه القصيدة .. وبالجبين
هَم (ن) تعدى
قلب (ن) توده
بلحظة ~ انسرق
.
.

على حروف الكلام .. ما يبين
شخص(ن) تعده
هو ~ سند
وتشوف صده
و بكل بساطه ما يهمك
بس ~ تحترق



بعيون المسافة .. وطاري الطريق
وجه(ن) من حروفك .. قصيد
و بينهم .... انت و هُم
كل المسافة .. تفترق



برموش الهدب
دمعة تمتحنا ~ مع لحظة عتب
ما هو بعيد .. ان الطريق
صاير .. بعيد
أو ينسرق



بصفحات الجريدة .. بالاخير
شخص(ن) توفى
شخص (ن) مرض
شخص (ن) غرق



و كل منا بالنهاية
تحت الثرى ... هو ينكتب
بآخر صفحة بالجريدة
بحبر و ورق

.
.
.




ازرق بين الورق
~~~~~~~~~~~

صج .. اي جريدة تقرون ..؟
وشنو اللي تحرصون تقرونه ؟

22 comments:

aL-NooR . said...

بررررررررررررررررررد
بررررررررررررررررد
بررررررررررررررد

:D

AM HAPPY

************

Traveleer said...

أنا متثلج في المكتب! زميلي لابس دسوس و قاعد ههههه
أحب أقرئ جريدة القبس و الراي. دائما أقرء الصفحة الأولى بأخبارها السياسية اللي دائما ما تسر. بعدين أقفز مرة وحدة ليه الأخيرة و الرياضية عشان أعرف أوقات المباريات.
قراءة الصفحات اللي بين البداية و النهاية تتم على مراحل طول اليوم :)

ARTFUL said...

القبس

;D

نون النساء said...

صح لسانج يالنور


وصباح البرد اللي مضيع وقته




الوطن

jonoon 3aqel said...

مممم
اقرا جريدة " الراية" القطريه طبعا

لكني مو متابع...يعني متى ما جا ف بالي قريت..او متى ما شفت الجريدة جدامي..


لك كل تحية..
و اتمنى لك كل سعادة

تحياتي

Anonymous said...

اقرا الرااي العـــام
*****************
و بالصباح الرمادي
بالحبر الرمادي

النور..
بساطه كلماتك اثقلتها بالمعنى
ابدعت بكل ايجاز
ماشاء الله
و سقطت مني هالعبارات

هَم (ن) تعدى
****************
من نون غداها جراح
من حرف(ن) تجنى
جاهل بماضي راح
من توده
لا تدصده
ترا ليليه قضاه صياح
ناح ليم(ن) بزغ نور فجره
و انقبر تحت ثرى مرتاح
يا صاحبي
موت ربي مايقبره صاحب يطعنك برماح

لا تقتل من غدى لخطك جريــد!
لا تقول انــه صعيــب ولا في ظلامه عصيــب
ترى خافقي
ماله غير رب(ن) يسمعه
ماله غير رب(ن) مرجعه
ماله غير رب (ن) يستسمحه
بموت(ن) غدا بعيــده قريب
لاجل ينكتب في نهايه صفحه الجريد
و يستسمحك و تستسمحه
و اثراك تقول فيه
الله يمنحه!

Goalzalez said...

صح لسانج

و اخيرا البرد يانا

الوطن و الراي - طبعا الرياضة بس

و الماركا و الاس الاسبانيه

شاي الضحى said...

جريدة الوطن

اقرا المانشيت واهم الاخبار المحليه

بعدها اقرا الاخبار الدوليه

وسلامتج :)

chandal/danchal!! said...

كنت اقرا القبس

الحين مقاطعة كل الجرايد لأنها اتييب القامت
.
.
.

تدرين ليش برد؟... دخلت الدفايات اللي ما شغلتهم طول الشتاء... تبين ارد اطلعهم؟

:p

محد كشحكم غير دفاياتي اللي كودتهم وكنبل بنتي المكتسح من اي تو زي!

نواعم said...

ماحب اقرا جريدة

كلها مآسي أو أخبار ما تنبلع

سمو الأميرهـ ..ツ said...

جريدة الخليج الإماراتية

:)

بس مب دايما

على هوا المزااج


...

يعطيج العافيه ع البوست
وعسى السعاده ما تفارقج

:)

Reem said...

أحب لفظ " الجريدة "
و الكلمة جميلة أيضاً ، مو ؟
LOL

إحنا بالبيت نقرا الوطن و الجريدة
و النص جميل

Shaikha said...

البرد يونس مو ؟ يعني يبعث احساس بالفرح ..

اعرف وحده مينونه تضحك بالبرد بدون سبب ;p

انا ما اقرا جرايد ، بس اذا قريت يا الوطن او الجريدة واول شي اقراه الوفيات ..

ووو النص .. جميل
=)

سلة ميوّه said...

اول شي

ياعساااج دوووم
مستانسه


ثاني
شي



صح لسانج...

ثالث شي..

متى الطلعه ;)????


حبي

Engineer A said...

اممم أنا اقرأ الوطن - الرأي العام - الأنباء وأحياناً القبس

مافي شي محدد اقرأ مقالات - الصفحة الأولى والأخيرة :)

Anonymous said...

enshalla happy 3la 6ool
emm i like el et7ad & Emirates today & Business 24/7
akthr part a7ba el last pages

Anonymous said...

AL-WATTAN ;P

حَافِـيَةُ الَقَدمَيّـنْ ولِبَاسِي المَطـرْ said...

برموش الهدب

دمعة تمتحنا ~ مع لحظة عتب
ما هو بعيد .. ان الطريق
صاير .. بعيد
أو ينسرق

شقول عنج يالنور ؟
ما اعتقد في كلمات تقدر توصف إعجابي ..

دايما راقيه بكلماتج , متجدده , و حكيمه

:*

Manal E. AlNuaimi said...

بوست وااااايد وااااايد عجبني ..

تعجبني الكتابة في مقاطع قصيرة ..

انا في الامارات اقرأ جربدة الامارات اليوم و جريدة البيان

ومن الكويت القبس والراي .. واحيانا بعد الراية من قطر .. طبعا اقراهم اونلاين ماعدا جرايدنا

وصباحج خير يالنوررر ..

ReLaaaX said...

ماقمت أقرا جرايــــــد لأن قلبي قام يعورني .. وآنا خلقه مااشوف اخبار


فالحين قمت أعاني إني مااعرف الاخبار أول بأول فلازم بين فتره وفتره أسأل الناس المهتمه بآخر الأحداث :))

ReLaaaX said...

اي صج .. والجريدة الخايسه اللي توصلنا الوطن ! على الرغم من الجذوب اللي فيها إلا ان بيتنا لازالو يقرونها ؟

aL-NooR . said...

لي عودة
بس والله لوووووووووية
عذروني
all