Monday, February 22, 2010

فقد ~ قصة النور

قبل البدء بتفاصيل النص الجديد ... ارغب بالتنويه انه قد كانت هنا بين طيات المدونة امور من الماضي القريب رسمتها بين حروفي..بعنوان قصة فقد ~النور فقد تكون جزءا اول .. أو خلفية لحدود نصي الجديد
فبعد قراءة تفاصيل تلك الاحداث الماضية
لكم ما قد حصل بين طيات نص شعري





اعرف انَ الريح يوم سافر .. رحلتي
وان كان صمتك يعكس اللون الشحيح
قبل اعرفك .. ما رحلتي
لين رحتي .. وما سألتي
اعذريني كنت اخاف ؟
ولين غبتي ..حتى حرفي ما فهمتي
صدقيني كنت اخاف؟
ما للنفوس حروف .. لو على طيفك يوم غبتي
ما سألتي
و

منهو شاف ؟
كنت اتحاشى العيون .. يوم قالوا
" وين هي .. وين انتي "
يعني معقولة.. بثواني
يمر وقت(ن) ... ما فقدتي ؟
ولا يعني نصمت العام القديم
نختفي
ونقصد .. الشخص القديم
يمكن اليوم يتنازل أو يديم
ومن رحلتي ....حتى مرة ما سألتي

اخفي احزاني بوسادة
وابعد الوصل الاليم
طفل عايش يحمل هموم(ن) كثير
و لا هو عايش .. ولا يسير
بس عرفته قبل اعرفك
وكنت اتخايل
انه .. ابنك... ولا بنتك
من عرفته .. ما عرف صوتي .. ينادي
ويوم شفتك.. اختلف فيني الشعور .. واختلف فيني المنادي
و بلا شعوري قلتها .. بأستقبال ~ بنتك

"يا عسى الحين احسن ؟"
بلحظة قلتي
" انا احسن .. بشريني عنك انتى ؟"

ما نطقت ..... وبس قلت
"انا برحل .. امي بعد طول الوقت... تسأل"

و انا رحت وانتي رحتي
مر وقت .. ما سألت و لا سألتي
غاب طيفك .. و ابتسمت
اي نسيت .. أو على خبري تناسيتك .. يوم غبتي

عشت دنيا فيها ~ انا
و كل من حولي ..احتواني
حتى انا .. تخيلي ؟


و مر وقت
شهر غافي ..أو دقايق .. ويا صمت
لين توصلني رسالة .. منك انتي
قلت اسأل ..اي ولهت ..و من زمان .. ما سألت "
"الا ما قلتليي انتي .. ليه بعد كل هالوقت ..رحتى ؟



ابتسمت
وبين قلبي .. رحت وقلت
يااااااااااه
توك بهاللحظة ذكرتي ؟
توك بهاللحظة فقدتي ؟
اي رحلت
مو انتي قلتي
"احتاج وقت ؟"
وانا مشغولة بغيرك .. وكافي بس .. و حتى ما عندي للنور وقت"
"ومن رحلتي ..... حتى مرة ما سألتي

صدقيني .. اني نسيت
كنت اقرب من قلب اخت
بس نسيت .. وما ذكرت
انكسر كف الوداع .. يوم رحتي .. لو سألت
صار يكفيني بحضورك ..ابتسم و ازيد صمت

ياااااه
توك بهاللحظة ذكرتي ؟
تصوري من رحلتي
حتى مرة ما سألتي
ليه رحت ؟



.
.
.
.

ازرق بين الورق
~~~~~~~~~
"حتى العناوين تبعثرت " قصة فقد ~النور" ولا الجديد " فقد ~ قصة النور

: صدق الشافعي حين قال

إذا لم يكن صفو الوداد طبيعة . . . فلا خــــير في ود يجئ تكلفـــــــــا
سلام على الدنيا إذا لم يكن بها . . . صديق صدوق صادق الوعد منصفا



38 comments:

Anonymous said...

انكسر كف الوداع

...................

من عافنا عفناه لو كان غالي
الغالا غلانا..
و نورنا ضي يتلالا من العالي
النو احنا و ابسمانا
النور احنا و فينا
النور لنا
النور ما يجبره الا ضي غير عادي

حَافِـيَةُ الَقَدمَيّـنْ ولِبَاسِي المَطـرْ said...

لا اعلم ما اقتبس هنا ..
لا شيء سوى الصمت
لعلي اوفي قدر كلماتك , وجمالها الفتان

جميلة انت يالنور !

Seema* said...

شنهو احنا مشتهاة؟
نوصل ونقطع عالمزاج؟
من طرينا عليه بعد فترة غياب... كان أصله ناسي وذكر
واللي ينسى بسهولة... فرقاه عندنا أسهل!

مو؟

سلة ميوّه said...

اتذكر الجزء الاول جيدا!...

لم أعود لقرائته.. لأني ما ان رأيت العنوان حتى تذكرت التفاصيل....



مالذي صنع نص بهذا الجمال...


الحنين؟؟ الحزن؟؟


أم حسرة على الماضي وكل مافات...




النور..تبهريني كلما دخلت مدونتك...



هذا النص كان كامل...


كـاااااااامل...


كوني كذلك دوماً


حبي:*

ميمة السبيت said...

** رايحة استقبالها بعد والله ان قلبج طيب لو انا منج جان ديلييت من امه و بلوووك بعد

chandal/danchal!! said...

الدنيا تلاهي


مشيها مسجات من الأثنين للأثنين مع الحلاقين

:)

Anonymous said...

al-Noor

El Na9 akthaaaaaaar men ra2e3 !

B9ara7a faja2ny ktheer kan fe montaha el jamal ..

A3jebatny el 9eya'3a : bkel wage3eya o bgemat el e7saaaaaaaaas ....

Keep it up, u was so GREAT in this :)

Regards
...

تركي الغامدي said...

يبدو لي هذا النص أكثر نص قرأته لك يلفه النضج من كافة الجوانب داعياً الله تعالى لك بالتوفيق والدائم

ARTFUL said...

ذكرتيني بسالفه

عمتي مسافره عن بنتها الصغيره المدلله

وقالت لها ماراح اطول

فلابنت مهدده اذا مددت السفره وقعدت طول العطله هناك بتفجر بالبيت وتكتب عليه سلام على الدنيا ان لم يكن فيها صديق صدوق صادق الوعد منصفا

;D

Anonymous said...

نويرة حبيبتي انسيها
لاتعورين قلبك
خلي قلبك للي يعزك ويعرف قدرج
وعامليها بكل برود
قلوبنا للي يسواها بركان حب وعطاء ومشاعر
ولليه مايسوى جمادات مثل جماداتك ما تنفعل وتهتز
قوي قلبك وامشي في دربك ربي باللي
يسواك يعوضك

لكن خلي اصلك ومروءتك ترفعك عن الرد بالمثل مثل ماقلتلك عامليها بالبرود لكن مو بالجفاء

ووسعي صدرك
( مع اني قارية البوست الاولي لكن قريته مرة ثانية واحتريت لاني مريت مثلك بنفس الموقف بس من زمان وصار الحين .....كان)

الشارقة.......

Anonymous said...

نـوري
ودي ألـــــــمج
من أمس قاريته وعندي هالشعور..

طيبة قلبج تعورني حيل
احس اني تعلمت منج أشيا وايد حلوه بس ما أتوقع وصلت لمرحلة الطيبه اللي تعور القلب

نـــوري
انتي انسانة راقيه
وهالنص ذبحني


ترا فاقدتج واااااايد
:**


NoDa~

مـي said...

بتدور الأيام

وتييج تعض أصابع الندم

وتقولين ما قلت

،،،

وربي بيعوضج خير منها

وتقولين ما قالت مي !

،،،

من واقع تجربة مريت فيها

ذقت المر

وأكثر من اللي قلتيه عن صاحبتج

والحمد لله

ربي عزني ورزني

وإهيا ... الحين تتمنى ترد بينا العلاقة مثل أول

بس شلون

الجرح ما ينسي

لكن اهم شي

الحمد لله ربي ما خلاني

الله يجبر بخاطرج ويعوضج خير

Antonio said...

لن اسميه مروري الأول بل زيارتي الأولى لأن المرور وقته قصيره أما الزيارة فأطول منه بكثير .

قصة ولا أروع اعجبني فكرها وقلم من سطرها وكلمات اشتممت المها ، حال كل ناكر لقلب يحبه .

قصة النور جميلة

وصباحي والطريق آه من تراكم الأفكار في الصباح تضحكنا تاره وتحزننا اخرى وتحيرنا أكثر أحيانا :)

كلمات جميلة وفيروز لها نصيب جميل من يومك أسعد الله يومك .

اسمحي لي أن اطلت الزيارة في مدونتك :)
فتجولي بها سيكون بين جميع المواضيع السابقة :)

دمتي بالف خير

احترامي

:)

بـابـل said...

إسم على مسمّى يالنور

كلامك لولو وعيونا الغواص


بابل

Ƒiona H. Al- Ƨharekh said...

عجيييييييييييييييييييب

متابعينج

Engineer A said...

بالنسبة للنص رائع أعجز معه عن الوصف او التعبير خشية وخوف من أن أظلمه بنسياني لتتفصيل من تفاصيله!!

رائعة يالنور :)

أحمد الحيدر said...

فقط أردت إلقاء التحية .. وتسجيل المتابعة ..

jasem said...

:)

jonoon 3aqel said...

ما داري!!

حسيت بغلقة ( مع تفخيم اللام

الله يريح قلبك...كل شي مع الوقت يهون


تحياتي

aL-NooR . said...

Anonymous
***************

شكرا ععلى التشجيع
بس مثل ما قلت
ماعاد يفرق


:)

اكيد بتحس بيوم انها فاقده ضوى

****************************

aL-NooR . said...

حَافِـيَةُ الَقَدمَيّـنْ ولِبَاسِي المَطـرْ
****************


شكرا
اخجلتم تواضعنا
:*
من بعض ما عندكم
الجمال يكمن بتواجدكم
يا حافية القدمين


******************

aL-NooR . said...

Seema*
***********

مثل ما قلتي بالضبط
هَبه !! ولا مشتهاة
واللي ينسى بسهولة... فرقاه عندنا أسهل!

اواااااافقج الراي

AM LIVING IN A PEACE RIGHT NOW :)

*****************************

aL-NooR . said...

سلة ميوّه
*************

هلا بطاري الفواكهة
و احلى طلة

الجمال وجودج يا سلة
و نورج اللي طغى
و اما ابداعي
و ام كان لي الحق من الكلمة
لم يكون الا احساس
و اردت نحته بصورة تعجبكم
ولم يمسني الم قط

:* نورتيييييي


****************************

aL-NooR . said...

ميمة السبيت
***************

رايحة يا ميمة اوجب
لا و معاي امي

تصدقين ساعات احب اعامل الناس بتربيتي
و اصلي ومع ان الكل يزفني يقولي النور بس !!..ارد واقول ماعاد يفرق معاي ..بس انا رايحة
مجرد اداء واجب


و على البلوك و دليت ..
ولا يهمج افكر فيه
;P

************************

aL-NooR . said...

chandal/danchal!!
*******************

الدنيا تلاهي ..ملاهي
AS SHE LIKE
و على قولتج كل اثنين اذا مو كل شهر مع نزلت المعاشات

و اخاف تصير مع العيد الكبير
و العيد الصغيُر
على قولت المصريين


*************************

aL-NooR . said...

Anonymous
************

:)
al-Noor

THANKS ALOT
HAVING YOU HERE IS A7LA

NWRTW MY BLOG

***************

aL-NooR . said...

تركي الغامدي
******************


شكرا لك تركي
و تعليقاك الرائعة
و تواجدكم المستمر

شكرا مرة اخرى
اخ تركي


*********************

aL-NooR . said...

ARTFUL
*************

يا حلوها عمتك و يا حلو بنتها
اي انا وياها و اذا بغت مساعدة انا موجودة
:)

خووووووووش سالفة
;D


***************************

aL-NooR . said...

الشارقة.......
****************

اهلا باهل الشارجة
ما تتخيلين حبي حق الشارجة و اهلها و شيوخها صج صج اغليهم

مثل ما قلتي محد يسوى غير اللي يعزنا و يرفع مقدارنا ..ولا الباجي بس كلام
والله انا ماخذة الوضع ايزي
لان بكل بساطة لقيت اللي يسدون
والله لا يحرمني من وجودهم

لا لا انا اعاملها بتربيتي و اصلي
و مثل ما قلت اديت الواجب و بس

:*
شكرااااا لتعليقج الراقي

***************************

aL-NooR . said...

NoDa~
**************

نودااااااا
انتي وينج :@

وصلت لمتج :*عبر الاثير
و يا حلوج ويا حلو قعدتج

وانتي انسانة ارقى يا نوداا
و سمالله عليج من الشر ..عاد كلش ولا يذبحج وين الاقي نودا ثانية
:P

نورتيييييييي


******************

aL-NooR . said...

مـي
*********
مابي تدور الايام و ترجع
لان خلاص مكانها ماعاد فاضي
وجودها بـحياتي ..عادي
بكل بساطة

و خليها بعيدة و سعيدة
و انا اكثر
:)
نوتي يا مي ..حبيت تعليقج

********************

aL-NooR . said...

Antonio
***************

شكراااا على المرور و الزيارة
و ختى القعدة ..حياااااك الله

الجميل وجودكم

و صباحي يختلف بين الفرحة ..و شوي هم
بس الاغلب الحمدلله الفرحة ..و خصوصا بهالجو الحلو :)


نورت ..و اذا تبي شي
قهوة ..جاي موجود
:P

**********************

aL-NooR . said...

بـابـل
************

شكرا ..من طيبك
تسلم...كلك ذوق
نورت :)


*************************

aL-NooR . said...

Ƒiona H. Al- Ƨharekh
***********************

اهلا اهلا
العجيييييييييييييييييييب
وجودكم :)

*******************

aL-NooR . said...

Engineer A
***************

اهلا بالبشمهندة
الروعة مرورج
بتعليقج يزيد النص
نور


شكرا

*********************

aL-NooR . said...

أحمد الحيدر
****************

شكرا
اخ احمد
التحية وصلت .. و نورتنا

حياااااك

*************************

aL-NooR . said...

jasem
***********

:))


********

aL-NooR . said...

jonoon 3aqel
****************

اهلا العاقل
لا لا كلش ولا الغلقة
عاد انت هناك بالغربة
مو مال يحوشك هالشعور لو شعره
شكلي بحط تنبيه
:P

اميـــــن
و يشرح صدورنا و يسر لنا امورنا

************************