Sunday, April 25, 2010

مطر ~ بسمة


كتب في 13 ابريل 2010


صبــــــــــــاح مختلف
ها هنا اليوم
و بين اكوام ارق .. و بقايا نوم
اصحو .. لأرى ســــــــــــاعة
ترسو نحو الســــــــــــــادسة
وساعة اخرى تدعى ســـــابعة
اراني مخدوعة ~ بصـــــــــر
اسرق الرؤيــــــــة لعين يانعة
فيكفيني من الرزق ~ نظـــــــر
اسمع من حــــــــــــــــــــــولي

النــــــــــــــــــور .. مطر مطر
طريق طويــــــــــل
لم اعتادته من قبل
في تلك السيارة السوداء

او ربما العمياء

فلم تكن سيارتي

فقد غابت هي الاخرى معي

و غاب ارتباطي بها منذ الامس
و فجأة بروح من الغفلة

تتغافلني قطرات مطر

تشاركني كلي مع بعضي


يداي الباردتان

انفي الصغير

رموش عيني

قطرة

قطرة

اطراف / ملابسي

ما بان مني هناك

اسرع مع ~ فيء يحاورني

فألجأ الى سيارة لم تكن لي

و ابتسم

اكاد اغمرها هنا وحدي


فقد سمعت ان من طقوس نزول ~ مطر

ان ينتهي بعناق يخفي وحدة او ضجر


اتراه صحيح عند البشر ؟

فانا افتقد امي .. ابي .. و اخي في سفر أمتعهم بهجه هناك لا ضجر

و رسم بين حدود اماكنهم هنا .. خطوط شوق توحشنا ~ بعدد قطرات المطر

ابتسم لهم .. و لي بينهم

اتذكر كلمات شفافه

ياطفلــــــــــه تحت المطر "
تركض واتبعـــــــهاا بنـــظر
تركض تبي البــاب البعيــــد
تضحك على الثووب الجديد
آبتـــل وابتل الشعـــــــــــــر
لو رميتي شــــالك الداافي على متن السماء
دفيـــت الشمس في فصل الجليــــــــــد
لو نثرتي صوتك الحــــــــــــــــــــــــــاني
على صدر الضمــــــــــــــا
انبت العشب واخضر الجريد
~
" بدر بن عبد المحسن


رغم دموع المطر و حزنه عندما يراه البعض

الا انه يشعرني بالسعادة.. شعور بالنقاء ..باغتسال كل شي قد سبق

ان عكر صفو ايامي و ان كانت تحمل من الجمال اصدقه







ازرق بين الورق

~~~~~~~~~~~~~

SHARE WITH me

THREE things make you happy ?

.

33 comments:

aL-NooR . said...

1.rain
2.traveling
( prefer either london or paris )
3.laugh till my stomach hurts ;p



صبااااااااح النور و النشاااط
:)

****************************

Anonymous said...

ضحكة ابوي الله يرحمه

وصوت امي يناديني فنر

وحضن اطفالي بعد السفر



الشارقة

Anonymous said...

SHALEH

PARIS

GREAT FRIEND

ARTFUL said...

صباح الخير

:)

تحسسيني لما اتكلمين عن المطر بالكويت انج قاعده بريف المانيا والا سويسرا والا النمسا

ما جنج بالكويت

;p

المطر انا معاج

السفر طبعا

بس بارييييس وييييييييع ولندن بس من شهر 10 الى شهر 5 بس

6و7و8و9
لااااااااع

:)

الجودي said...

فقد سمعت ان من طقوس نزول ~ مطر

ان ينتهي بعناق يخفي وحدة او ضجر

/
\
/
دائما ما أجد نفسي تواقه للعناق وقت المطر وجد التفسير في مدونتك المشاعر مع المطر تكون غير

السفر خصوصا لندن وباريس في يناير و فبراير

رضا أمي و ضحكتها

ريحة الطفل المولود

chandal/danchal!! said...

صوت المطر اعتبره اجمل الاصوات, يغسل القلب... سبحان الله احب صوته بس ماحب المطر (دعلة بعد شنسوي)


الشي الثاني اللي ممكن يخليني طايرة من الفرحة, ودي انام نومة متواصلة بدون محد يقطعها علي!... وعلى طاري النومة... شلون الواحد تروح عليه نومة؟... يعني بكل حسن نية صديقتي تقولي راحت علي نومة... انزين راعي ظروفي ولا تحريني بهالجملة... انا ميتة ابي تروح علي نومة لو خمس دقايق... تدرين ان صارلي سنين ما اعرف المنبه ومنبهي مني وفيني!


ثالث شي... حبي الأول والأخير... السوق

SHOP TILL U DROP

بس شيلي ركن المكياج من القائمة ليش اني ما اواطنه ولا اوقف عنده ولا حتى دقيقة!

Seema* said...

1-kelmat 9aba7 el-khair aw ay kelma 7elwa mn shakh9 a3eza
2-achiement
3-el.Athan makes me happy

Ashya wayiiiiiiid
: )

Reem said...

* يمعة أفراد بيتنا بشكل عام ، و أكثر وقت ممتع باليمعة لما نفتح صندوق الصور ، لول !
* طلعة مع خواتي ..
* تحقيق إنجاز أياً كان

؛
؛

أسأل رفيجتي بكل تتنيح :
" ليش الناس تحب المطر "
ترد سريعاً :
" خير .. خير "

و إنتي " زرقتج " خير ..
مثل المطر :*

Anonymous said...

spending time with u :*


~NoDa

سلة ميوّة said...

1-rainbow
2- my mam's hug
3- being in the living room with my
WHOLE family


النور...


انتي غير...


على الهامش:


وين بنرووووووووح :)؟

Goalzalez said...

الله يردهم بالسلامه

3 thing make me happy ??

و الله ثلاثه شويه بس نحاول

1. يمعة الاهل بوجود الوالدين
2.السفر اي مكان لو الخفجي
3.فوز القادسية ريال مدريد

aL-NooR . said...

الشارقة
***********


هلا والله بالغالية الشارقة
و الله انه حتى تعليقج فيه روح اشراقة

قولي آمين عسلى ربي يجمج
معاه بالجنة و نعيمها
و لا يخليج من امج ..
يخليها لج و يخليج لها
و على اسم فنر
يا حلوه
بقولج سر انا لما كنت صغيرة كله اقول حق امي بسمي بنتي ~ " فنر"
مادري اهو اسمج ولا اسم الدلع

و مادري ليش حبيته و شنو المناسبة ..
لما طريتي الاسم فز قلبي تصدقين ..

يا حلوهم عيالج :*
يخليهم لح و لا يبين غلاهم من شر


لا تباعدين
:*
****************

aL-NooR . said...

Anonymous
**************

woooow ,, about paris <3
and some spacific time in chalet
with great friends and family .. & and enjoing coffee with great weather i prefer month of FEB


*************************

aL-NooR . said...

ARTFUL
*********

اهلا :)
صبحك الله بالخير و الكرامة

اييييي والله لازم نحس جذي
ولا شلون نعيش
هذا يسمونه
POSTIVE THINKING ;P


باريـــــــــس
و ما ادراك ما باريس
قعدة الشانز
و الآيس كريم
ولا بيتزا بينو
<3
خيـــــــال

و لندن انت صاج
بالصيف ما تنجبل
من جذي لي رحنا بالصيف
نروح مناطق داخل
تبعد عن لندن اقل من ساعة
و اذا احتجنا شي
ننزل لندن
:)



الا شخبار خوخة ؟

****************

aL-NooR . said...

الجودي
*********

اهلا بالجوري :)
صبااااح الورد

لانك مرهفة احساس
ترين كل جميل اجمل

بالضبط
لندن و باريس بالشتااا
خيــــــــــــال

و امج عسى ربي يخليها لج
و يرزقج برها
و يبلغج بالبيبي.تستمتعين بريحته
;P

******************

aL-NooR . said...

chandal/danchal!!
*********************

أهلا هلا بخفة الدم كلها :*

اي والله صوت المطر خيــــال
يغسل القلب و اقصى ما فيه

حبيبتي ...بس تبين تروح عليج نومة !

قولي آمين
عسى ربي يرزقج نومة هنية / نومة الغزلان بالبرية
( على الطاري ليش يعني بالغزلان بس )
نومة هادية بدون ازعـــــــاج
لا واء وييء
ولين تقومين منها شبعانه نوم
و يدقون عليج الدوام
يقولولج
"يا جندلة اليوم لا تيين الدوام خلاص معفية .. لج جائزة الام المثالية ..نومة حتى الاشباع"
نفس البوفية
;P

السوووووووق
SHOPPING <3
الحب الاول و الاخير
بس تصدقسن انا ما احب اتسوق مع احد يحن على راسي و لما اطلع طلعة مشترى ..تلاقيني انقي وحدة تكون هادية
مو وايد تنتقد ;P

و الميك اب نفس الحالة :)


***********************

aL-NooR . said...

Seema*
**********

SEEMA EL GHALYA :*

eseeer ana agool saba7 el khair 3la a7la seema ? tnf3 wela lazem nas thnyeen :p

,and about achivement 3asa rebi enwlech kel eli ebalech o feh sala7 a7gech :*

yaaaaaaa 7lw el athan
tderen meta tfgdena lee sfrna et7seeen el athaaaan sooot yshr7 al nfs :*


***********************

aL-NooR . said...

Reem
*******

اهلا بالغالية الريـــم
صايرة ساكته ..من غير شر
تصدقين انتي من الناس اللي لو موجودين افقدهم .. مادري شلون ؟


يا حلو اليمعات ..و السوالف و التطنز
النقاشات العائلة الطماشة/ الهادفة
:p
عسى الله لا يخليج منهم

و يرزقج الانجاز .. وكل اللي ببالج
و يكون في صلاح و خير لج يالريم

اي والله المطر
و مشاعري اتجاهه
مشاعر غريبة ..
الظاهر اني حبيته من اول نظرة
;p

يا حلوج يا حلو طلتج :*
لا تباعدين


*****************

aL-NooR . said...

~NoDa
*******


ME 2 I ADORE SPENDING time with u :*
O AMS MA SHB3T MNCH TRA :*


**********************

aL-NooR . said...

سلة ميوّة
**************

هلاااااااااا بسلتنا الغالية :**

UMMM RAINلاOW <3 MO SEJ
7ETA ANA A7BAAAAAAAAAA
عسى الله لا يخليج :* MOM HUG
و يرزقج برها ..و لا يخليكم حق بعض

والله انتي اللي غير غيــــــر :*
و ششششششششششششش
التفاصيل ببلوقج
;P

*****************

aL-NooR . said...

Goalzalez
*************

اهلا اخوي قولزالس
مالك حس ؟ من غير شر ؟

اي والله ربي لك الحمد
كل شي حوالينا يسعدنا
و ثلاث اشياء ادري شوية
بس بشووف شنو يخطر على بالكم


الله لا يخليك منهم و يزرقك
برهم و طاعتهم
اي والله الخفجي .. احس سفرة سفرة
بس انا ترضيني الخبر اكثر
;P

على طاري الفور جنهم فازوا ؟
عيل قرت عينك ..

***********************

الفنان said...

النور
صباح النور
والانوار

اول شي اعجبتني الصور في مدونتكم التصميم وايد حلو

نسخت بعضهم
ممكن تعلمونا سر المهنة


وبعدي بدا لي من البويت الممطر
انكم مغتربون عن البلد
جمع الله شملكم ...احساس راقي
تحياتي

aL-NooR . said...

الفنان
********

مسا الانوار
شكرا من ذوقك
:)

لا لا
مو مغتربين بس مسافرين
البابا و الماما مسافرين سياحة
و اخوي رايح يحضر مباراة
فريقة المفضل
;p
فالبيت صاير فاضي من غيرهم
من غير شــــــر
THATS ALL

;)

و الحمدلله
نوروا الكويت بردنهم


*********************

حَافِـيَةُ الَقَدمَيّـنْ ولِبَاسِي المَطـرْ said...

يا حلوووج يالنور :*

هالمكان بالذات يحسسني
بالنعومه , الرُقي ..
تعرفين بنات أول الأجنبيات
جي احسج
خصوصاً الديزان وايد يسعفني بهالتخيلات

مودتي

Fishah said...

مساء الوله والشوق والموود الازرق :)

حبيت امر :>

:*

نبضُ الأدب said...

النور ..
راقت لي حروفكِ الـمُمطرة ^^
---

1) Ym3aT L.ahaL .. Ya 7eLooohaa ;**
2)Being with the Holy Qur2an ;**
3)Being with my BEST Friends ;**

ومسائج نور ^^

Antonio said...

انتي لنا قطرات المطر

النور ابداعات متتالية

احببت المطر وذكريات السفر

عدت لمدونتك وليس مني مفر

مبدعة دائما يا النور

صباح النور

تقبلي

عودتي واشتياقي

دمتي بالف خير

jonoon 3aqel said...

السلام عليكم

الله ع المطر...
نسيت ارتباطي فيه...
هل لهدرجة الدنيا اشغلتنا...
و لا لهدرجة كبرنا و ثقلنا؟؟

خاطر يصب المطر حلبه..و العب بنقعة الماي لما يوقف :)

ادام الله عليكم نعمة السعادة و الشكر
تحياتي

aL-NooR . said...

حَافِـيَةُ الَقَدمَيّـنْ ولِبَاسِي المَطـرْ
*******************************
ياحلوج :*
و انا مكانج يحسسني
بنضج طفلة
احب امتزاجات بلوقج

لا تباعدين :)
كوني بخير
سويتي

********************

aL-NooR . said...

Fishah
*************

مسا الاحساس و الطيبة
:*
نورتـــــــــــــي
لا تباعديــــــن :*

*************************

aL-NooR . said...

نبضُ الأدب
***********

و انا راق لي حضورج

حبيت
1و2و3
حسيتج قريبة حيل من خياراتي


مساج الله بالخير
لا تباعدين

********************

aL-NooR . said...

Antonio
*****************

شكرااااا
لك ..دايما لك حضور طاغي
يخجلني .. لا تباعد
لانك نورتي المدونة
مثل قبل و اكثر
من غير شر فقدناك
لا تعيدها


صباحك مطر و خير

********************

aL-NooR . said...

jonoon 3aqel
****************

اهلا بالحــــــاضر الغايب
وينك من غير شر
اي والله المطر خيــــال
يغسل القلب ..و الدنيا كلها

والله يا راشد للحين
بخاطري اركض تحت المطرة
بس ويــــن ماكو الا السطح
;P


:)
صبحج الله بالنوير و الطاعة

***************************