Sunday, May 2, 2010

شكرا لك



منذ الصبـــــــاح
و انا ابتسم
و اطراف رمشي الخجل
"تَرٍف "
هل تبشرني بغائب ؟
اسأل نفسي بين نفسي
النور لما ؟
فَمَن انتظر انا ؟
وفي هذا الوقت بالذات ؟
من هو الغائب مني ؟

فقد جهلت كل تساؤلاتي
لأختمها
بــ شششششششششششش

ألبس
راحة بال بأن يومي
سيكون اجمل
اكاد استشعر قدومه .. بخجل
فأتفاءل بأن اليوم
سيكون ازهي و ابهى
بمن حولي او ربما بي/ به
اقدم نحو باب المنزل استعدادا للخروج
بكل نشاط متناهي .. ببهجة قديمة الشعور
لأغمض عيني ..اشتم رائحته !! ..فهو قريب جدا !!

جاءني بسرعة جريئة
كـــــاد يغمرني
لأجده يحيط بي
يزيد احساسي بالأمان
اصمت .. بكل خجل .. ابتسمت
فأتنهد .. و انزل رأسي
وتتسارع خطواتي من ثم ضربات قلبي .. هربا
مسرعة
نحو .. سيارتي
بكرم منه اتى .. فبعث فيني امل
يلاحقني .. فأبتسم
اجدني اغلق مصدر اي صوت يزعجني ويسرقني منه
لاني بهذه اللحظة ما لي غير الدعاء لربي سبحانه بأن يبقيه قريب مني
كي استمتع بلحظاتي معه و بنظراتي له
بخوفي الشقي منه ~ عند الغضب
لاني اعشق تفاصيله
لمساته
قربه
مفاجئاته
سرعته
وصوته الذي لا امله ابدا
يكاد حاورني
و ربما يحاورهم
و يأسرني
بصوته المتكرر/النادر العذب
اجده قريب جدا الى حد الجنون
اكاد اغازله .. بخجل طفلة
حين يداعبني فيلامس اطراف اناملي
فاتأمل اثره بين يدي
فامزج اطراف يداي الاثنتين
خوفا من غياب الاثر
اكاد اشتم بقاياه
فأبتسم
اجده يحاصرني اينما اذهب
حولي و عن يميني و عن شمالي
فكل ما بدأت يومي .. به
اعترف بعشقي لباقي اليوم دونه
حمدت ربي بوجوده حولي
اعترف بحبي له
لا اخجل اطلاقا
اكـــــــاد اصرخ
امام الجميع اني في كل يوم/سنه /عمر
انتظر قدومه نحوي
فهو يأتي بغفلة و يرحل بغفلة
يحب المفاجآة
و دوما ما يأسرني بحضوره العذب
لأجدني اصمت بلا عتاب
و ارفع يداي بدعاء صادق من قلبي
بأن لا يغيب عني أو ربما عنهم
في كل صلاة
ولا اعلم ان كان يحبني بقدر ما اعشقه هو
واعشق تفاصيله
اعترف لكم .. وله
اني احبه جدا

هو

ذلك


"المطــــــــــــــــــــر"


.
.
.
.
.
.

:p

38 comments:

ARTFUL said...

والله عرفته قبل لا اكمل

;D

جميل جدا

:)

مـي said...

يالله..
أحلى ما قرأت في حديث المطر
وحاسة سادسة تستبشر به

حبرك الأزرق مميز

Goalzalez said...

و انا بعد عرفته

بس مشكلته انه ما يطول و شكلة مو عاجبته ديرتنا

عموما حديث جميل عن المطر و مبدعه دايما يالنور

الجودي said...

النور

أنا بعد أحبه

جذي بغار عليه منج

;p

بس ادعي لي وياج و أنا ما أغار
:)

الاوركيده said...

رائعة دائما يالنور بوصفك لجمال الاشياء من حولك

:************

Arweena said...

جميييل جداً ؛

أحسست منذ البداية بأنه شيء من عالم آخر ، فـ عشت معكِ روعة الإحساس بين تفاصيل النص ؛

وحده المطر ؛ منقي القلوب ، ومطهر الأرواح ، فـ تشعر بأنك أجمل بالقرب منه ..


~

مااا يستوي .. انا بعد أحبببه ؛ =P

بس ليش يحبكم أكثر منا =( ؟

aL-NooR . said...

ARTFUL
*************

ما شاء الله عليك
شكلك قريت النهاية قبل
:p

صبحك الله بالمطر
و هالخيــــــر


***********************

aL-NooR . said...

مـي
**********


هلا و غلا
بــ مي

تواجدك انار مدونتي
كوني هنا ..

شكرا

******************

aL-NooR . said...

Goalzalez
****************

عرفته ؟
@@

اي الله يرزقنا
و يزورنا بعد
و يطل علينا
كل شوي
:)

و شكلها المطرة مطولة
الغيوم فيها بعد
:)

نورت لا تباعد

*******************

aL-NooR . said...

الجودي
***********

اهلااااا بالجوري

صج عاد تحبينه ؟
من متى ؟
انا علاقتي فيه من يوم ولادتي
فبلييز لا تتحرشين

;p

خلاص اذا على الدعاء ما طلبي شي :*


**************

aL-NooR . said...

الاوركيده
******************

اهلااا
:* والله فاقدتج

الروعة تكمل بوجودج


*******************

aL-NooR . said...

Arweena
***********


هلا وغلا
الاجمل وجودج

المطر شي غريب
يلامس ما بطياتنا
فيثير ما بنا من مشاعر و ان كانت ظاهرة .. بدعابة تبقي المطر اصدق تعبير لمعنى ~ العطاء

كما قلتي ..منقي القلوب
فيغسل ما بين احشاء هذا القلب
ليطهرنا ..و يريح مبسمنا

~
ان شاء الله يرزقكم
اكثر و اكثر
دعيتلكم :*


**************************

حالِمه .., said...

أنا دائماً قريبه من هنا ..،
لا أغيب عن مساحتك الشاسعة بالجمال

3>
وأحبه ..، المطر

Seema* said...

يا بحث هالمطر على اللي انكتب هني فيه ; )
ماشاءالله

Fahad Al Askr said...

أنا لو ألقى وحدة تحبني كثر ما تحبين المطر

تقاعد طبي وأجابلها بالبيت

حتى أغراض من الجمعية مستعد أييب

الاوركيده said...

ماتفقدين غالي يارب

ياحياتي انتي بس كنت تعبانه شوي

والحمد الله الحين بخير

:**********

chandal/danchal!! said...

ع-يل حالج نفس حالي اليوم الصبح

لعبت بحسبة المشاشات... شوي اشغلهم وشوي اسكرهم لأنهم يخربون علي صوت المطر... وتتسلط التليفونات ترنع من الصبح... مو وقته ابي استمتع بصوت المطر... تحسين مو شايفين خير!


وصلت الدوام ببركة دعا الوالدين

:)

حَافِـيَةُ الَقَدمَيّـنْ ولِبَاسِي المَطـرْ said...

لوول اول كلمتين من البوست
واسمع زخرة المطر

لوول ..
اقول النور كلا غامضه مادري منو هاللي تحبه ؟

بس اتقنتِ البداية , حسستيني إنه إنسان فعلا

:*

سلة ميوّة said...

يابخت المطر

يوم انج تغزلتي فيه...



:***

الحــــر said...

مع ان صعب ما يغيب بديرتنا بس الله يكثر من زياراته

وأنت مبدعة بحق

:)

Anonymous said...

يبيله مطر صناعي

jasem said...

إييه يالنور
وصفج هذا لحبج الأسطوري للمطر
عور قلبي
لأنها أوصاف دقيقة ذكرتني فيها وبمشاعر العشق المدفونة القديمة
كنت أظن إنها تلاشت
بس الله يسامحج خلتيني أكتشف إنها لازالت موجوده بقلبي
وإني يمكن قاعد أحاول أتناساها
بس الحقيقة مو ناسيها
مجرد أي كلام عن الحب يذكرني فيها
مادري خليتيني أحس بجرأة إني أعترف
الصراحة

وكل ما حاولت أكتب عنها بوست بشكل صريح ينعصر قلبي وماأقدر
أو أستحي أعترف

مع إنه البوست اللي كتبتيه بالنهاية تبين أنها عن عشق المطر
بس رقة الكلام وكونج أنثى خلاني أتساؤل
ياترى لو كانت إهي اللي تكلمت بلسانج ونفس كلامج وكنت آنا المقصود
جان شنو الفرحة اللي بحسها
هالتساؤل هذا خلاني أحس ودي افضفض جدامكم كلكم وإهني ماغير خواتي وإخواني
كنت ماأبي أفضفض عشان لاأحس بشعور شفقة من أحد
لأنه صعب لما إنشوف إنسان عاشق من طرف واحد ويشكي
ويتساؤل ليش
ليش طحت بهالعشق
وإشلون آنا رياال ولازلت عقب هالعمر الطويل أحمل كل هالمشاعر لها وإهي ولاإمقلده فيني
ناسيتني ولاهية بدنياها
ولأن إمكانياتها كبيره وفريي حيل
فا عاشية حياتها طول بعرض وماغير كله سفرات
ماخلت ديره ماراحتها
يادوب إطب الكويت جم يوم وتزهق واتسافر
بس مو المفروض وحده مثلها لازم أنساها

إلى الحين ساعات أستحي من نفسي لما أعترف إني لازلت أحبها
يلاا ماني داعي عليها
بأكتفي إني كل ماأشوفها أدعي حق نفسي
بدال لاأدعي عليها
مشكوره يالنور خليتيني بهالبوست أتجرأ أفضفض وأعترف
إني حبيت ولازلت أحب
المطره
:P~

why me said...

يا حلو المطر


مخي راح حق شي ثاني

لول

Antonio said...

الله يا النور

خذيتينا ابعيد ورجعتينا

تنقلنا بالصور حتى كدنا نصدق

انه حبيب لكن من نوع آخر

ابداع التلاعب بالصور فن مبدعه به

دام الله الخير بالمطر

والنور ايضا لانه احتياجنا دوما

تقبلي مروري
تحت المطر

دمتي بالف خير

ميمة السبيت said...

** حركات ام التوووت الاسود

والله قلت الوالد توني ببجي يالله الله يديمه علينا و يحفظلكم الوالد

aL-NooR . said...

حالِمه ..,
***********

اهلا بالحالمة
كوني قريبة
لانني دوما ما استشعر وجود تلك العذوبة بيننا


حبتج العافية يقولج المطر :*

***********************

aL-NooR . said...

Seema*
**********

هلا بالغالية سيما
منورة :*


والله انا اللي يا بختي فيه
;p

******************

aL-NooR . said...

Fahad Al Askr
********************

بتلاقي بتلاقي
;p
بس الله يعينك
على الماجلة و روحة الجمعية
:)

*********************

aL-NooR . said...

الاوركيده
************


هلااااااا مرة ثانية بالاوركيدة
الحمدلله على كل حال


سمالله عليـــــــج
عسى احسن الحين ؟
طمينيني :"*


********************

aL-NooR . said...

chandal/danchal!!
**********************

هلا بجندولاااااااااا
هلا ام سبااجة

اي احد يعاف المطر و صوته
بس على قولتج المشاشات
نشاااااااااز
الصراحة

الحمدلله
الحين كل شي صار ببركة دعا الوالدين
:*


**************************

aL-NooR . said...

حَافِـيَةُ الَقَدمَيّـنْ ولِبَاسِي المَطـرْ *******************************

اهم شي ان الشعور وصلكم
:)
حلو ساعات التلاعب الكلمات
ملينا من الوضوح ..مثل ما قلتي انا طبعي احب الغموض :)

نورتييييي
والابداع من بعض ما عندكم

***********************

aL-NooR . said...

سلة ميوّة
*************

يا بختي بوجودج
يا سلة :*

على الوعد
;p

**************

aL-NooR . said...

الحــــر
************

اي والله
الله يكثر من زيارته و يزيده
من بعض ما عندكم
:)
شكــــــــرا

********************

aL-NooR . said...

Anonymous
*************

يمكن نحتاج مطر صناعي
لما يزيد الغبار ..
بس خوفكم يحوشنا طين

يكافينا الشر
:)

***************************

aL-NooR . said...

jasem
*************

جاااسم
الله يغربل بليسك
صدقت :S

مع اني انا اللي كاتبة البوست
بس صدقت .. قلت ليش ياالنور تقلبين المواجع ..على الريال
زين ما مسحت البوست
;p

احلى شي
لما قلت

بأكتفي إني كل
ماأشوفها أدعي حق نفسي
بدال لاأدعي عليها


لوووووووووووووول

***********************

aL-NooR . said...

why me
***********

اهلا اهلا
الي والله يا حلو المطر

...
هذا المطلوب
تمويه القارئ ;p


********************

aL-NooR . said...

Antonio
***********

هلوووو
:)
مثل ما قلت حبيب من نوع آخر
قولي في احد ما يحب المطر ؟
ماكو و خصوصا لما يكون حلو مثل هالمطرة
اميـــــن
دام الله الخير بالمطر
شكراااا
نورت كالعادة :)

*************************

aL-NooR . said...

ميمة السبيت
****************

اهلا بميمتنا الغالية :*
اي حركاااااات ام التوت

يا حلو اللي دمعتها على طريف
;P
يا حلوج :*
امين
***********