Tuesday, May 18, 2010

صرت اتعمد ... ما اشوف




صرت اخاف
صرت اغمض
وصرت اتعمد ..
ما اشوف

كل يوم
كل لحظة
صرت اخفيني / بطيوف

طيف ~ فرحة
طيف ~ غفلة
طيف ~ طفلة ما تشوف

صرت اهاب الوقت يمضي
و صرت اخاف الصمت يحكي
و انا "انا" اضمني
بس تغزيني .... وصوف

بين ايديني
كل يوم (ن) فيني ~ غفلة
والزمن ساعة تعاني بس تسبق
من يطوف


و ان تشاركنا حكينا

بالسلام/ وبالوداع
وننتهي بصمت الكفوف


وان تنادينا ~ بشفاعه
اخ /اخت ... وعن قناعة
يختلف وصف ~ الوقوف


صرت اخاف .. اليوم يعدي
صرت اخاف .. الوقت يتغافلني و يمضي
و انا "انا" ما اشوف



صرت اخاف
صرت اغمض
وصرت اتعمد ... ما اشوف


34 comments:

aL-NooR . said...

يمكن من جذي فصلت نظارة
:p


صبحكم الله بالخير و النوير

***********************

الجودي said...

صبحج الله بالنور والكرامه

بالعكس يا الغاليه

شوفج متأكده إن 100 /100

بس غيرج إلي ما يشوف

دمت بحب

جنتلمان said...

خفيفة وسهلة الهضم....
شكرا النور.

Anonymous said...

طبيعي أن الواحد يلعب
باللعبة والدببه حتى لو كان كبير؟
وكلماتك جدا رائعه لامست قلبي كثيراودمعت عيناي شكرا

aL-NooR . said...

الجودي
**********

اهلا بالجودي
تصدقين احب
اسم جودي


صبحج الله بالنوير
صج ..يعني خلاص ما اسويلي نظارة
;p
الله يجبر بخاطرج
:)


********************

aL-NooR . said...

جنتلمان
*************

:)
شكرا
من ذوقك
هذا اهم شي سهلة الهضم
عشان يكون احساسها
بسيط و صادق و ان شاء الله يوصل

*******************

aL-NooR . said...

Anonymous
*************

كل شي يكون طبيعي
اذا كان عفوي
بدون تصنع
يمكن انا عن
نفسي مو وايد احب الدببة
بس وجود الطفل داخلنا شي طبيعي و حلو

شكرااا
لكم ..و مروركم الكريم
و لدموعكم الغالية ..
عساها تكون دموع فرح دايما

*************************

ARTFUL said...

تحتاجين قاعة بطل

;p

مساء الخير


:)

aL-NooR . said...

ARTFUL
***********

اي والله صاج
قاعة البطل هاليومين
دارجة ..بس انا بسويها دبل قليز
ههههههههههههه


مسا الانوار

*****************

الاوركيده said...

مساء الخير ياحلوه

يختج من مجابل الجهاز والفيس بوك اخرتنا على قولت ارتفل نظارة بطل

:*

Seema* said...

الكلمات...تعوّر!

سلة ميوّة said...

ليش أحس الكلام عني ولي...


شلون قدرتي تكتبين بلساني...؟؟


وشلون حس قلمج باللي في قلبي؟؟؟



اتعمد ما اشوف..

لأن العوار بيكون أقل...




حبي:***

chandal/danchal!! said...

آخ من مجابل الكمبيوتر

عيوني راحت


كل ما شفت زوجي يدخن اقوله: لا تكن عبدا لها

يقولي: علمي روحج مجابلة هالكمبيوتر... عالأقل عيوني ما راحت مثلج

:(

فصرت اتعمد ما اشوفه واهو يدخن!

ميمة السبيت said...

** يقولون و الكلام فنون منو اللي ينن المينون موهب لعيون ؟؟؟؟؟؟؟؟؟؟؟

Shaikha said...

اذا بتغمضين ، النظاره ماتنفع
;p

و الله عليج يالنور
;)

Engineer A said...

الله عليج يالنور

كلامج روعه .. وابهار .. وفنون

مبدعة عزيزتي وكلج ذوق ونظر :)


كل الود

Dear Romeo said...

مساء الخير

اسلوبج في التعبير رائع ما شاء الله
كلام حلو و خفيف ع القلب

دمتِ بود

ReLaaaX said...

فقدتج
دورت بلوقج
لقيته
دشيت
علقت
ابتسمت :)

شوي بس اقرا اللي كاتبته

mtfa2el said...

إنما الغبطة .. فكرة
:)

Antonio said...

الله يا النور
الله الله

الخوف هاجس احيانا
لكن كيف يتوقف ؟

دام ابداعك
النور طريقنا

دمتي بالف
عافية ومن غير خوف

نهــــــــــار said...

السلام عليكم ....
بس نحن أكيد ماراح نغمض
دام كتبتيلنا أروع حروف
...
دمتِ بخير

aL-NooR . said...

لي عودة
ان شاء الله


:)

aL-NooR . said...

الاوركيده
*********

مسا النوير
اييييي والله من مجابل
الجهاز ..و الدوام :(

بس ما عليه تصير
;p

**************

aL-NooR . said...

Seema*
***********

سمالله عليج :*



****************

aL-NooR . said...

سلة ميوّة
***********

تصدقين كل
ما اشوف اسمج ابتسم :*
ما عاش اللي يضايقج


****************

aL-NooR . said...

chandal/danchal!!...
***********************

سمالله عليج

ايي والله صاجة الكمبيوتر
ادمااااان صار
الله يكافينا الشر

الله يكافي ابوكم شر التدخين
و يبطلها كلش

***************

aL-NooR . said...

ميمة السبيت
**************

واااااااااي
ميمة انتي مو صج
:*


***********************

aL-NooR . said...

Shaikha
*************

اي والله صاجة
لازم افتح
24/7
;p

تسلمـــين :*


********************

aL-NooR . said...

Engineer A
**************

شكرااااا
الابداع يكمن بوجودكم حولي

والله انتي اللي كلامج روعة
حروفج تدش القلب

*************

aL-NooR . said...

Dear Romeo
***********



شكرااا
صبااح النوير

اخجلتم تواضعنا
بكلماتكم الرقيقة


لا تباعدون

*************

aL-NooR . said...

ReLaaaX
***********


هلا بالغالية
:*
مكاانج خالي
من غير شر

نورتييييييييييي


*******************

aL-NooR . said...

mtfa2el
***********

وااااااااو
متفاءل
flash back

اقبل العيد و لكن ليس بالعيد المسرة
لا اري الا وجوها كالحات مكفهرة


ايها الشاكي الليالي انما العبطة فكرة
ربما استوطنت الكوخ و ما في الكوح كسرة

ما شاء اله ذوق

************************

aL-NooR . said...

Antonio
************


شكراااا



خوف من القادم المجهول
لكن نستعين بالله
بكل شىء ..يقينا بان القادم افضل

دمت انت
ببسمة
:)


***************

aL-NooR . said...

نهــــــــــار
**************

وعليكم السلام و رحمة الله

عساكم منا تغمضون من شر
:)

شكراا من بعض ما عندكم


****************