Wednesday, July 7, 2010

من سواليـــ(2)ــــــفي




تتصل قريبتي
هالنور شعندج اليوم على الساعة 5 ؟
"والله ما عندي شي ..آمري ؟"
مايامر عليج عدو .. ودي تحطين لي مكياج
ان شاء الله من عيوني ... بس عاد انا
مو وااااو بالميك اب .. عادة اللي احطة وايد بسيط
عن العيارة يعني ما اشوف الصور
تعرفين، بس تبين نمدحج هااااا ؟
لا والله بس
ولا بس ولا شي انا اصلا ثقلت و مافيني اجابل المنظرة بكرشتي
هههههه ..خلاص خير ان شاء الله
ولا يهمج باجر على ال 5.30 انا ناطرتج
اوكي ..عندي سوااااالف وايد .. بصك راسج ..عادي اتكلم و انتي تحطين ميك اب
لاااااااا طبعا ما اعرف اشتغل بأزعاج
هههههههههههه مجرمة صح ؟
حدج

يأتي غدا
وبعد عودتي من يوم عمل حافل جدا عقب تلك
الاجازة الفقيرة بتكدس اعمالي الصغيرة
فما ان ارتحت بعد غدائي اللذيذ
ترسل هي رسالة لي
"ها ان شاء الله على الوعد ؟"
" اي ان شاء الله ناطرتج "

.
.


تصل ...فتبدأ هي بالاسترسال ..حديث يتصل بسالفة ثم الى قصة
بأستمتاع مطلق .. و انا ارى تفاصيلها و تفاصيل تلك اللتي تسكن داخلها
و التغيرات التي طرأت عليها بمرور مراحل الحمل... فأبتسم
خلال ذلك امسك ريشتي لارسم بيدي رتوش مكياج بسيط جدا على ملامحها المميزة
فأبدأ بأساس يبروز تفاصيل وجهها فيحدد اللوحة و من ثم بلون ازرق يشبهني أُكمل بكحل عينيها
ببساطة قلم يرسم تفاصيلا ناعمة بأمتزاح لون اسود خالص يحدد تلك الصغيرتين
.. فأضيف على خديها لون وردي لا يرى
و احمر شفاه داكن يختم لوحتي البسيطة .. التى لا تصرخ الا بهمس

انتهت مهمتي السريعة / المطولة بين قصصها
فبادرت هي لتريني تفاصيل شعرها .. كي نرى الصورة كاملة بأطاراتها الشقية
ما ان رأت كامل شكلها .. لفت نظري تعديل بسيط
فاستأذنتها بتغير طفيف عليه .. يضفي لمسة انوثة تجملها
بحركة سريعة مني انجزت تفاصيل شعرها بالكامل .. كما يجب
فور ذلك .. همت بالوقوف .. لترى حلتها في تلك المرآة الطويلة
ابتسمت بدهشه بذلك التغيير.. فكررت النظر الى صورتها الكاملة بالمرآة
اقرب ..فأقرب
لتختم

النور
الله
اينن ... نااااااااازك

ثم تصمت
خلاااااااااااص انا ما راح اروح اسوي شعري بمكان ابد
كل مناسباتي بيبلج البيت اهني ميك اب و شعر
لتسرق النظر مرة اخرى لتقول
حبيت شكلي واااااايد ترى
صج شعدنج باجر هالجزة ، عندي استقبال
و ابيج تسوين شعري / ميك ابي ؟
ابتسم
امممممممممم باجر؟
ما عندي شي هالحزة حيــاج .. بس لا ترفعيلي وايد ترى اصدق
ترد : من صجج انتي ترى وايد عاجني شكلي
تردف موجه لأختي مديحا آخر
يا بختكم ..انا لو منكم ما اروح صالون كلش


ابتسم ..بخجل شديــــــــــــــــــد .. لتقديرها لي ولعملي البسيط
فتنتهي جلستنا معها .. بمتعه منتاهية ..و ضحكات جميلة
.
.
تستعد هي للخروج .. اودعها
من ثم اتجه نحو غرفتي ..بأنجار يومي غير مسبوق
:)



لكن
فجــــــــــــــــــــأة

بثلاث خطوات متتالية لا اعلم اساسها اصلا يختل جسمي
بالكامل بلا توازن مطلق واسقط ارضا
بكامل ثقلي على تلك اليد
يدي اليمنى المسكينة
+&(%#)#$%ّّ&+*(*$%^
.. بصوت مفزع ايقظ من حولي
تجمع الكل بجانبي
كدت ابكي من شدة الالم
اخبأ نفسي لألملمها وقوفا بمساعدتهم او ربما خجلا منهم
و تلك اليد المسكينة تصرخ من آلام مفصلها
.
.
بالنهاية .. كانت النتيجة التواء بمرفق يدي اليمني
مؤلم جدا
يمنعني من الكتابة و العمل بصورة متواصلة
فلا أٌجدي القسوة عليها
:"(

.
.
.

صباحاً بألم متزايد .. بين ارجاء ساعات العمل المتواصلة
تفاجؤني صديقتي ~ الصادقة
ما كان ليخفف عليّ الا هي .. ما ان عَلمت
بتفاصيل حادثي البسيط جاءت من بعيد .. لتخفف عنيَ وطأ ألم لازمني
فشكرا لك جدا .. و شكرا لتفاصيل يومي معك
فلازلتي القريبة اكثر .. لانك تملكين منزلتك الخالصة/النقية
كورداتك فعلا

Thaaaaaaaaaanks alot :*
Am really fine now



.
.

حتى تصلني رسالة الآن من قريبتي تلك
"ها النور على الوعد اليوم الساعة 5 ؟ "
!!!!!!!!



21 comments:

Seema* said...

لا إله إلا الله :p
قدر الله وما شاء فعل
ما تشوفين شر ;*
المسج, شكلج بتردين عليه بمكالمة :)
عسى الله يحفظكم

Seema* said...

نسيت أقول:
ما أصابك ما كان ليخطئك وما أخطأك ما كان ليصيبك! :)

Goalzalez said...

سلامتج النور و ما تشوفين شر

و شكلها الي حطيتلها ميك اب وحده بوحده

ARTFUL said...

سلامات ما تشوفين شر

وبيني وبينج أحس ان البنت مجاملتج وانتي ما تعرفين تحطين ميك أب

;p

ميمة السبيت said...

** حبيبتي سلامتج و ماتشوفين شر انشالله

يامعودة الناس ماتعتق احد ديري بالج

سلة ميوّة said...

ياغلاتي ماتشوووووووووووووفين شر

وعسى ربي يحفظج....

واظبي على أدويتج...وديري بالج على نفسج

حبيبتي انتي

امس انا والجودي انتناقش بنفس الموضوع...


هذا يبيله مسج ماينفع اكتبه اهني :)


ديري بالج على عمرج ..والمره اليايه لي بتحطين مكياج حق احد شخطي على الخد..رسمي نجمة ..سوي إكس او ...اي شي يطفي العين...

:)



ربي يحفظج ويحميج


وعسى ايدج الجنة وكلج ياقلبي:****

حالِمه .., said...

سلاماات ياغاليه
;*

شاي الضحى said...

ويه عين وما صلت على النبي

اقري على نفسج

وما تشوفين شر

لا من صجج بتحطين لها ميك اب مره ثانيه قوليلها تكرسفت وتعورت ما اقدر

اعتذري منها

حَافِـيَةُ الَقَدمَيّـنْ ولِبَاسِي المَطـرْ said...

ما تشوفيين شر إنشالله :*

عين ما صلت عالنبي

بدون تعليق said...

سلامات ان شالله ماتشوفين شر


مدونة جميلة وراقية ..

رورو الشخبوطه said...

سلامات ماتشوفين شر..

اخذي اثرها :p

Hope said...

وي ما تشوفين شر سلامات
اجر و عافيه
و اقري على روحج مره ثانيه
ترى عيون الناس ما ترحم .. قراب ولا بعاد
دايماً اقري على روحج

ReLaaaX said...

اسمالله عليج خطااااااااااج السووو ;*


حبيبتي النور لما تحطين مره ثانيه وانتي تحطين سواء لج او لغيرج اقري المعوذات

والله العظيم لازم تقولين المعوذات وتقولين اذكارج عموماً حافظي عليها


وربي الحافظ :/

chandal/danchal!! said...

ألف لا باس عليج وما تشوفين شر




النور دايما متفائلة والافكار التشاؤمية ما المفروض تخطر على بالها

مجرد صدفة

أجر وعافية يا نونو
:*

الجودي said...

ما تشوفين شر عزيزتي

و ان شاء الله الحين أيدج أحسن ؟

حبوبه في ناس يحبونه و موقصدهم يضرونه لكن لما يهملون ذكر الله يأتي الضرر ....

و ممكن تكون قدره بالفعل إذا كانت البنت باركة عليج و على شغلج .....

دمت بحفظ الرحمن و رعايته ...

Katkoota xD said...

سلامات و ما تشوفين شر

ديري بالج على نفسج و اقري المعوذات

صج عين و ما صلت على النبي

تحياتي

Antonio said...

عين ما صلت على النبي

سلامات يا النور سلامات

وما تشوفين شر ان شاء لله

والوعد ياي بالطريج ان شاء الله

تقبلي ودي الكبير

Reem said...

ما تشوفين شر ؛*
و الورد جميل ماشاءالله ..

زين تحطينلي ميك أب ؟
LOL ;p~

aL-NooR . said...

Seema*
Goalzalez
ARTFUL
ميمة السبيت
سلة ميوّة
حالِمه
شاي الضحى
حَافِـيَةُ الَقَدمَيّـنْ ولِبَاسِي المَطـرْ
بدون تعليق
رورو الشخبوطه
Hope
ReLaaaX
chandal/danchal!!
الجودي
Katkoota
Antonio
Reem



شكرااااا
حق كل من سأل و الله انا الحين بخير و ايدي يخير ..و مثل ما قلت حق سلة الغالية ..يمكن ادش مسابقة اسرع طابعة على الكي بورد
;P

ماشاء الله
ما يحسد المال الا صحابه
;P

*********************

AuThoress said...

آآآآه ع العين :( اعوذ باسم الله الذي لايضر مع اسمه شيء في الارض ولا في السماء وهو السميع العليم ...سلامات

شبي حرمل و إقري

فـ(المطيري)ـدكـ said...

لا حولا ولا قوة الا بالله ..

العين تصيب بدون قصد ..

الف لا باس عليج ..

اذا صارلج هالمواقف مرة ثانية .. قولي بغشمرة .. فلانة قولي ما شاء الله وعطيها ضحكة ..

ترى العين مذكورة ..

^_^ اختج فدكـ