Sunday, September 12, 2010

عيدكم مبارك ~ باللوك الجديد




خلال شهر رمضان الغالي
كل منا لبس حلة خشية توقضنا من سوء انفسنا
ثلاثون يوما .. مرت اسرع من لمح البصر
تَبصرنا فيها .. على تقصيرنا
برجاء قبول ما كان الا ليعنينا

اجازة
صمت
عطاء
رجاء
صلة


فأعاد الله رمضان بنا
هذه المرة
كما اعاد ايام عيده
كذا مرة

نستزيد به لنبقى
بتقوى
بأمل
بعشق تفاصيل القيام
بعيشنا بين صفحات القرآن
اغماضة ارق متلذذ يخيط اعيننا
كل ليلة تبدأ في الصباح


أتى العيد بقرب شديد
بتفاصيل طفل
يبكي الفرح


"عيدكم مبارك"

كل عام والكــــــــــــــــل بخير
تقبل الله طـــــــــــــــــــاعاتكم
وعساكم من العايدين الفايزين




....

النور~


ازرق بين الورق
~~~~~~~~
احتاج وصف دقيق لبدلات / دشاديش العيد
;p
لو سمحتوا
و شرايكم باللوك ؟

60 comments:

Anonymous said...

تقبل الله طاعتج
وعساج من العايدين الفايزين
ومبروك عاللوك اليديد
وصورة ممتازة
وماشاء الله اسم النور بهالخط ولون البلوق ترى صار له هويةمؤسسية او نقدر نقول بلوقيه
فا كان ممتاز انج حافظتي على الالوان والديزاين العام وكان التغيير عبارة عن تطوير
ترى دارس شوي في علم الهوية اقدر افيد من هالناحية
عودا احمد
جاسم
:)

Reem said...

يا حي الله من عاد ؛*
ولهنا عليج ..

عيدج مبارك
و كل عام و إنتي بخير و نور

نفنوف العيد كشخة !
و لايق عليج لايق ؛)

امممم بدلة العيد ؟
فيها من ألوان الستايل القديم تصدقين ، لول .. و إنتي سمعينا ..

نهــــــــــار said...

السلام عليكم...
كل عام وإنتِ بخير وعساج من عواده
وتقبل الله طاعتكم
...
ومبارك اللوك اليديد
....
في حفظ الله

الجودي said...

من العايدين الفايزين و تقبل الله منا و منك

اشحلات اللوك اليديد شرج نَـوَرْ شرح تبارك الرحمن

أما عن بدلة عيدي ما تنوصف لووول

تركي الغامدي said...

تقبل الله تعالى منا ومنك صالح الأعامل وكل عام وأنت بخير وإلى الله تعالى أقرب تحياتي لشخصك الكريم

مـي said...

تقبل الله طاعتج
وكل عام وانتي بخير
وعيدكم مبارك

،،،
اللوك الجديد أكثر من رائع
يمتاز بالبساطة أكثر
ورومانسي
وأهم شي إنه بلونك المميز
::: الأزرق :::

:)

kuwaiti_cool said...

اللوك عجيب

السلام عليكم
تقبل الله طاعتك
وعيدكم مبارك
اختي العزيزه
فعلا رمضان عندما يأتي يذهب بسرعه ولا يجعلنا نشبع منه بالعكس
يذهب سريعا
ونجلس مابين الدعاء لله بتقبل اعمالنا
والدعء بأن يعوده لنا
فمهما عملنا بهذا الشهر نحس اننا مقصرين

اتمنا ان يتم الله فرحه العيد بتقبل عملنا برمضان اجمعين نحن وكل مسلم على هذه الارض

وان يغفر لنا ولموتانا ويجعلنا من عتقائه
الهم امين

شكرا لك

Sami said...

تقبل الله طاعتج ..مبروك الطله الجديده

المقوع الشرقي said...

عيدج مبارك يا الغالية
وعساج من العايدين والفايزين
تقبل الله

اللوك حلو مثل روحج
.*

BookMark said...

عيدج مبارك
واللوك عجيب ;)

بدلة العيد
تصدقين ماعمري اقتنعت بأي بدلة عيد،
كله ماخذتها على اعيلة و حدة حدة ;p

عبدالله said...

كل عام وانتي بخير يالنور واللوك حلو هادي وبسيط وانه احب هالستايل على الرغم من اني ماشفت الستايل القديم ^_^

mtfa2el said...

عيدج مبارك و كل عام و انتي بخير

اللوك اليديد حلو و نازك و الطاولة عجيبة الصراحة تخليني مشتهي اكل باجة و خبز ايراني عليها
:p
لا صج خوش لوك
:)

الاوركيده said...

منا ومنج صالح الاعمال

وعيدج مبارج انشاء الله :***

مبرووووووووووك عليج نيو لوك عجيب وعليج بالعافية

:*

نمووول said...

تقبل الله طاعتج
وعيدج مبارك
وكل عام وانتي ومن تحبين بخير

روميـه فهد said...

منا ومنج صالح الاعمال يا قلبي
وإنتِ من العايدين الفايزين في كل وقت وحين ..

اللوك الجديد روعة .. عندج تصميم للصور عجيب .. تبارك الرحمن .. :*

دمتِ لمن تحبي

Seema* said...

أيامج سعيدة!
وعليج بالعافية :")

Engineer A said...

تقبل الله طاعتج .. وكل عام وانتي بخير

لوك جميل وراقي وهادي كصاحبته

دمتي بخير :)

Fahad Al Askr said...

عيدج مبارك

اللوك حلو مثلج

دشداشة العيد بيضاء مائلة للصفرة مع غترة العطار مقاس 54 وقحفية من السوق الداخلي وعقال مرعز مع نعال نيدية حمراء ومسباح مرجان أحمر يمشي مع النعال وفوقهم ساعة بيضاء وقلم ديبون صغير يلقم بالمخباة

aL-NooR . said...

جاسم
*****

صاحب التعليق الاول
منا و منك صالح الاعمال

اشوة عجبكم :)
استانست ..
انا من النوع عندي ولاء عموما
بس كان بخاطري اغير
اشوه انه عجبكم :)

تهقى عندي هوية بلوقرية ؟

***************

aL-NooR . said...

Reem
*********

هلا بالريم
يحييج ..و الله انا اللي
ولهانة اكثر و اكثر
:*


ايامج سعيدة ..
و عساج من العايدين
الفايزين


ايييي عاد انتي ما تلبسن الا الزين

******************

aL-NooR . said...

نهــــــــــار
****************

وعليكم السلام و رحمة الله
و انت بخير و صحة سلامة
و عساج من العايدين الفايزين

هلا وغلا باهل الامارات :)

حافظج الرحمن
:)

********************

aL-NooR . said...

الجودي
***********

اهليـــن :*
منا و منج صالح الاعمال

تسلميـــن
عيونج الحلوة
و الله طلتج اللنورة :)



*************************

aL-NooR . said...

تركي الغامدي
**************

و انت بخير و صحة سلامة
و عساك من العايدين الفايزين

سامحونا على القصور
:)

******************

aL-NooR . said...

مـي
************

منا و منج صالح الاعمال
:*

تسلمين
اهم شي انه اعجبج
عيونج الحلوة
والازرق هذا الاهم
تدرين النور
اهي المدونة الزرقا :)


لا تباعدين


**************

Sweet Revenge said...

كل عام وانت بخير النور وتقبل الله منا ومنكم صالح الاعمال
اللوك بما ان فيه ازرق
طبعا واو :)

ayamee said...

كل عام وأنتي بخير

عيدج مبارك ;*
وخوش لوك

jasem said...

اي اول وحد امعلق
وحسيتها اعيله بايخه
لاني لما علقت
كنتاي بس كاتبه عيدكم مبارك
واشرايكم باللوك
:/

ولما علقت كملتاي البوست
واضفتي علي الازرق
فصارت هجمة تعليقي عبارة عن كشف تسلل
:(
هذا غير انج كاشته بالتعليقات عندي
شكلج مستأصدتني
:/
اي طبعا اهقى
وعموما بالنسبة للهوية
ترى الكل عنده هوية
حتى راعي البقالة
بس تفرق الهويات
فيه الي متطورين الى هوية حداثية تفتح النفس
وفيه اللي مثل هوية بلوقي
جلحة-امبقعه-فاهية-ملحة
جنها بر المطلاع شهر 8
:(
بس يلااا الحمدلله
املنا بربيع قادم
يمكن تغيثنا السماء شتاءا بزخات
نفترش معاها بهوية نقدر نوايه فيها بالربيع
:)

aL-NooR . said...

kuwaiti_cool
*************

:)
تسلم

وعليكم السلام و رحمة الله
منا ومنك صالح الاعمال

عسى الل بس يتقبل منا صالح الاعمال
ما لنا الا المواضبة على كل نافلة داومنا عليها برمضان :)
مثل ما قلت مهما عملنا
بهذا الشهر نحس اننا مقصرين
يجعلنا من عتقائه


نورت
:)


************

aL-NooR . said...

Sami
***********


تسلم منا ومنك صالح الاعمال
:)
شكرا شكرا على الصورة
ما مداني اشكرك
بس كانت صورة عجيبة
كفايا انا مصورتها

;p

***************

aL-NooR . said...

المقوع الشرقي
***************

أهلا أهلا
بالغالية
تسلمــــين
من العايدين الفايزين

حبيبتي من بعض ما عندكم
:**
عاد يوم انا رديت تاخذين بريك
مو قبووووووووول

;p

*************************

aL-NooR . said...

BookMark
***********

ايامج سعيدة
تسلمين عيونج الحلوة

و على طاري بدلة العيد
اي انا لاني اشتريها من زمان فا تلاقيني انسى شكلها اصلااااااا

;p

********

aL-NooR . said...

عبدالله
*******

و انت بخير و صحة سلامة
:)
اهم شي انه عجبكم
تسلم

*********

aL-NooR . said...

mtfa2el
*********

ايامك سعيدة
و انت بخير و صحة سلامة
:)

باجة ! حرااام عليك
ما يركب مع اللوك الا كرواسان
و يلو جيس ..و فروتس

:)
تسلم
الا شخباركم ؟


********************

aL-NooR . said...

الاوركيده
***********

اهليــــــن
بالغالية :*
ايااااامج سعيدة

عسى اعجبج ؟
:*

********************

aL-NooR . said...

نمووول
********

منا و منك
صالح الاعمال
و انت بخير
و صحة وسلامة

********************

aL-NooR . said...

روميـه فهد
************

حبيبتي :*
تسلميــــن عيونج الحلوة
من بعض ما عندكم

صج صج فاقدتج
من غير شر


***************

aL-NooR . said...

Seema*
**********


تسلميــــــن
يا احلى سيما
:*


***********

aL-NooR . said...

Engineer A
*************

منا و منج
صالح الاعمال

عيونج الحلوة
تسلمين :*

missing u :*

*************

aL-NooR . said...

Fahad Al Askr
******************

ايامك سعيدة :)
عساك من العايدين الفايزين
تسلم

والله
خوش لوك بالعيد عيل
على هالكشخة جم حصلت عيادي
;p

قول الصج
;p


*******************

aL-NooR . said...

Sweet Revenge
****************

و انتي بخير و صحة سلامة
و منا و منج صالح الاعمال

اييييييي الازرق غير غير
تسلمين عيونج الحلوة
:*

********************

U know WHO said...

نواره
يه يه يه خوش بدله بدلت العيد
والازرق مايحلا اللا عليج وعلى المنتخب

والله انا يحتاج لي ديزاينر
ماكو الا اروح العثمان ولا الاسطورة

بس ياربي احب الفنتج
واحب البنفسجي

المهم عيدج مبارك
وولهانة عليج
:*

aL-NooR . said...

ayamee
**********

و انت بخير و صحة وسلامة :
:)
صج
اهم شي لايق علي ؟
;p

****************

aL-NooR . said...

jasem
************

هذي ضربية التعليق الاول
هههههههههه
;p

شنو يعني كشف تسلل !


لا والله تستاهل من يعلق عنك
بس انا عموما برمضان
ماخذة اجارة من كل شي
و توني اردة

مو مشكلة انا ارضى بهوية البقالة اللي يم دوامي مكانها استراتيجي
الصراحة

بالعكس بلوقك
احس فيه نظرة صحراوية عموما
و انك متمسك بالتراث ترابيا
هههههههههه

و اهم شي انه في احد
ناوي يتبناه و يعدله
معني اشوفه اشملحه
:)


*******************

aL-NooR . said...

U know WHO
************

اهلا اهلا
بالغائبة الحاضرة

صج خوش بدلة بدلتي ؟
ما خذتها من العثمان
اوسكار دالارينتا ترى
عيزت منهم ابي ارزق ياااالله لقيت
;p

تامرين امر تبين
اضبطلج ااياه من عيوني
بس نقي بين
مكوين و مارشيسا
:p


والله انا اكثر
صج صج لج فرية
لا تباعدين


************************

الاوركيده said...

النور

اللوك لابئلك كتيتير وبجنن

حلو مثل ألبك الابيض :***

سلة ميوّة said...

يالزين الملبس وصابحته
وياهلا بغلا روحي
ويعذرني الحلو على التاخير
عيدج مبارك
وتقبل الله طاعتج
وعسى ايامج كلها افراح واعياد

ويازين اللوك زيناه

لايق عليج..:** كله انتي:*

ميمة السبيت said...

** ولهتي علي صح لوووول

حبيبتي شنو هاللوك الحلوو كولووو زوووء يا زووووؤ

كل عام و انتي بخير ياالغالية

Antonio said...

النور

اي والله قضى رمضان

اعاده الله علينا والمسلمين من السالمين

تقبل الله طاعتج

وعساج من عواده

وكل عام وانتي بخير

:)

فـ(المطيري)ـدكـ said...

تقبل الله وكل عام وانتي بخير .. وعساج من عوادة

واااااايد حلو اللوك اليديد ^_^

ARTFUL said...

أعادكم الله على أمثاله

ومبروكين على اللوك

:)

Purplecious said...

WOOOOOOOOOOOOOOOOOOW



و عيدج مبارك

:*

ًمتطرّف جدا said...

الأفق ، الدنيا ، الحياة
لونها مبمي
عيد سعيد ، ومبارك لك الثوب الفرايحي الجديد

aL-NooR . said...

الاوركيده
*********

اهلا اهلا بالغالية
كشخة كشخة
لتكلمين لبناني بعد
;p

تسلمي خيتو
عيونج الحلوة
قلبت
;p


**************

aL-NooR . said...

سلة ميوّة
***********
اهلا اهلا بالغالية
صج اعجبج ؟
اشوه

لا لا ما من تأخير
كل شي وصل بوقته
لانج غيـــــــر

لاحظتي شلون اللوك صار
يشبهني صج ؟
;p

*******************

aL-NooR . said...

ميمة السبيت
**************

حيـــــــل
ولهت عليج يا العيارة
;p

شعندج انتي و الاوركيدة
صيرين لبنانيات
;p

و انتي بخير ياالغالية

******************

aL-NooR . said...

Antonio
**********

اهلا بالغايب الحاضر :)

اي والله قضى رمضان
آميــــــن
منا و منك صالح الاعمال


*******************

aL-NooR . said...

فـ(المطيري)ـدكـ
*****************

وانتي بخير و صحة و سلامة
عساج من العايدين الفايزين
تسلمين

:)

***********

aL-NooR . said...

ARTFUL
**********

تسلم بو خوخة
:)
مو قبول تمر بدون صور البنات
;p


***********

aL-NooR . said...

Purplecious
*****************


أهلااااااااااااااااا
بالبنفسيجة اللى ما تمر :(
بشرينا عنج
ولهاااااانين

عسى اعجبج اللوك :)
ايامج سعيدة

:**

**************

aL-NooR . said...

ًمتطرّف جدا
*************

:)
بمبي قصدك ؟
الحياة حلوووووووة
بكل ما فيها

ايامك سعيدة :)

*****************