Sunday, November 21, 2010

بعد عشرة ايام




اجازة ..و ايام عشرة تزيدني خبرة
مشاكل بين صداقة لم تكون قريبة جدا الا انها قريبة
احست انها قد زادتني من العمر عَشرة
قد لا يخصني منها شيء .. و ان خانت من الألفة عِشرة

قرب ..سراب ..فحذر
قد جائت تلك الايام كنقاهة بعد سقم و سوء توقيت منهم كسناريوهات عابرة او ~فيلم
قضينا ايام بلا ترتيب... بفوضوية الكسل
نوم .. اكل ..سينما ..مقهى بلا ملل
صمت ..حكي ..رقص.. بلا عمل
روح مفعمة .. برد ..لحظات منعمة بلا كلل
مسافرون ..نحن ..و حجاج ..قادمون
لندن .. فلبنان.. و فــ دبي يختمون
لم امل العطلة ..لكني مستعدة بفرح نحو العمل
اكرر "حالتي" في توتي الاسود

"WoW can't wait for tomorrow ... BACK TO WORK :D"

بتعجب سائد الكل يسأل
"ينيتي ؟"
"شعندج بالدوام ؟"
"تصدقين انج تحرين "

ابتسم لهم
و اكرر ردي
"بسنا كدر ..رادين الدوام ..و الجو حلو ..وبعد اجازة عشرة ايام ..بعافية و فرح "
لا يرد الكل ..قد اكون بالغت بأعينهم ..لكن نحن البشر ~الكويتييون خصوصا
لا نقنع بالقليل ولا حتى الكثير ..اجازة يوم او عشرة ... او حتى سنة لا تشبعنا و لا ترضينا

و مع يقين ان ~الطلعة ..او العمل
لا يخفف أو يزيد حتى مرات الفسحة و الخروج ..أو المتعة
"الكل يطلع .. و يستانس .. بوقت الدوام ..و الاجازة "
فلننجز اعمالنا بجهد ..جميل بأبتسمام
برفق عمل يزيدنا ~ اخلاص فاتمام

قبل النوم ..باستعداداتي المدللـه و تلك الطقوس ..شاركته بارتجالي ~ بيت
نــــــامت عيـــــون الناس و عيوني تنــــــــــادي
يا علــها خيرة يسكت بها الكل .... وما ينــــطق فــــوادي
النور

يرد
"ما نمتي ؟ ..تعالي نزلي"
ارد
"نووووو ابي انااااااام "
يرد
"ماراح تنامين ..تعالي نص ساعة تخلص المبارة و كلنا انام "
ارد
"لاااااااااااا اذا ييت ماراح انام اعرف نفسي..قول ان شاء الله انام الحين "
يرد
"ان شااااااااالله هههه .. على فكرة ..كلامج نورٍ على نور"

....

يتسلل النوم فجأة بشعور اول ايام فصل مدرسي جديد دون حقيبة مرتبة
ها انا اليوم ..اصل المكتب .. بتأخير دقيقة
بنشاط لا ينااااااام
و ان كان كل من حولي يحتاج منبه عمل يفيقه

.
.
.
.
ازرق بين الورق
~~~~~~~~~
شخبار الاجازة ؟ الدوام ؟
ان شاء الله
شبعتوا نوم ؟
:)

35 comments:

ميمة السبيت said...

** شوفي انا قاعدة بروحي بالمكتب و امس نايمة يمكن 2:30 و قاعد 6:30 بس واااااااااااااااااااااااايد احلى من قعدة البيت و مجابل التلفزيون المليق

Anonymous said...

صباحج الخير
مع رنه المنبه حق الدوام حسيت الاجازة تبخرت ونسيت اني نمت طوال الايام السابقة وتحسفت مانمت اكثر

ويقول لي قومي قومي دقت الساعة
واقوله توها بعد باقي اربع دقايق وتصير ونص
واتلحف

بس مابنفع


قوموا قوموا
حي على الفلاح
حى على خير العمل

الا شلووون العيد ؟ سعيييد ؟




الشارقة

chandal/danchal!! said...

i 2nd Mayyooma

ويا ميت اهلين وسهلين بالروتين

Question mark said...

الكويتون لو يكفون من التحلطم احنا بخير,الواحد يشتغل او يدرس ابرك من القعدة بالبيت اكل ونوم وتلفزون ,تحياتي النور وايام سعيدة بكل تحدي ووناسة

aL-NooR . said...

ميمة السبيت
**************

اييييي اكيــــــــد
ساعات اصير ملل البيت ..و صخة
يالله يالا ولبج تنامين الحين
و اذا مو نايمة
:*
نومة العوافي سويت ميمة


صج
ترى انا بروح السيرك
ليش بتكنسلين
:"(

******************

الجودي said...

كل إلي قلتيه في البداية تفصيل للإجازة بكل مافيها و أهم شي كسلها أحبه
بس أنا إجازتي ماكان فيها كسل كلش ما استمتعت وايد بس راجعه لدوام بمود جديد

هذا بحد ذاته أشوفه شي جيد ولا اشرايج ؟

t7l6m.com said...

الله يديم النشاط والحيويه
وتعادينا
اليوم نص الموظفين مو مداومين ،الظاهر نسوا الدوام

U know WHO said...

نواره ،،، كل عام وانتي بخير ،،، صاجة خل يرد الدوام كل شي اعتفس نومتي اكلي روتيني !!! واااااه لو اقوووللج اشلون انشلعت من نومتي اليوم

عذااااااب

Seema* said...

الإجازة تمام
والحياة حلوة!
:D :D

BookMark said...

انا أحس كلما طالت الإجازة نبي بعد
ويصير الدوام أصعب
من جذي مااحب الإجازات الطويلة

ماشبعنا نوم بس داومنا مبجر
وبهمة وشوق بعد ;))

مساء الشعور الحلو
والعودة لكل شي حلو
:)

إِسْـراء said...
This comment has been removed by the author.
إِسْـراء said...

ياااه ، كلماتكِ جميلةٌ احببتها كثيراً

اشعر بشيءٍ مختلف عندما أرى أحداً يفكرأو يتصرف هكذا ربما لإن الإجابية توثر فينا و في غيرناً أيضاً

وكل شي له جماله الخاص : البيت \ العمل \ الدراسة أهم شي الواحد يستمتع بلي يسويه xD

جميل جداً أدامكِ الله بابتسامه

(F)

N.Rhythm said...

Hellooooo Hun how r ya
ana marra aslim o
ill read n back =D~
GoodHappyTimeForYou

Sweet Revenge said...

اول وحدة تشاركني الراي
اول يوم دوام فازعه من الخمس
لوووووووول
الحمد لله بعد عشر ايام خلاص حان وقت العمل
كل عام وانت بخير وتقبل الله منا ومنكم صالح الاعمال :)

ARTFUL said...

انا

ابي الاجازة تخلص علشان أقضي بعض التزاماتي

!!!

ابي الوقت يمشي علشان أعرف شخبى لي القدر

:)

صباح الخير

Romia Fahed said...

حمدلله على السلامة من أحلى إجازة :*

البعض يبي إجازة بعد الإجازة ،دلع غير نمونه..!

لا أنا إجازتي غير الله يسامح وزارة التربية ، بس جم يوم راحة واشتغلنا تدريس ، أخواني وراهم امتحانات .

دمتِ لمن تحبي

الليوان said...

اي والله صاجة اجازة اليوم والعشرة واحد
بس الحمد لله استمتعنا بالاجازة ليش ما نروح الدوام بهمة ونشاط
انا عن نفسي الحمد لله نشيطة

:)

Shaikha said...

شبعنا نوم؟
اليوم بغيت "انام على نفسي من تعبي"
شكلي أكيد كان فلم!

بوستج جوّه جميل ;*

Sami said...

شعرت ان الاجازه "يوم" متنكر بعشر ايام

aL-NooR . said...

لي عودة
<3

aL-NooR . said...

الشارقة
************



عاد النومة تصير غالية و الفراش يصير اغلى من كل شي

والله العيد كان خووووش شي :)و طلعات العيد كانت عجيبة ... بصحبة احلى



***********************

aL-NooR . said...

chandal/danchal!!
*********************


اي والله يا حلو الروتين بكل صحة و عافية ..الف الحمدلله :)
شلون النوري ؟ ترى برد دفيها


***********************

aL-NooR . said...

Question mark
******************

اي والله شعب يحب الطنازة و التحلطم
ههههههه الحمدلله ان للحين بخير ولا جان علوم


شكرااا


******************

aL-NooR . said...

الجودي
**********

اي والله يا حلو كسلهاااااا
اتحسين انج اتدللين نفسج وانتي مو قاعدة تسوين شي :)



شكراا

********************

aL-NooR . said...

t7l6m.com
************


آميــــــن و يديم البسمة عليكم
مردهم بداومون و الشارع يرد زجمة
ههههههه

*****************

aL-NooR . said...

U know WHO
**********************

و انتي بخيـــــــــــــــر
:*
ولهانين

اي والله هالنومة المسكينة مو قادرة تضبط ..من اجازة لي اجازة


اي صااااجة النومة ..بعد الاجازة ما تقدر بثمن


*********************

aL-NooR . said...

Seema*
**********

يا حلو سيمااااا :*

**********************

aL-NooR . said...

BookMark
*************

اي صاجة حتى انا احس جذي
شلعتج من الفراش تصير اجود
;p

الحمدلله :)
يا حلو اصحاب الهمة


********************

aL-NooR . said...

إِسْـراء
************

شكرااا
الاجمل وجودج بينا
اي تصدقين احس ان الفرح شي ممكن يعادينا كلنا ..


اي مثل ما قاتي كل شي له جماله ..بس لازم نمعن النظر

نورتي
:)



***********************

aL-NooR . said...

N.Rhythm
***********

hello hello :*
am fine sweetHeart
ma as`al ella 3nch


emwraaaaa as usual
la etb3deen :D


****************

aL-NooR . said...

Sweet Revenge
******************


يا حلوج ...و يابختي اني نفس رايج
الحمد لله بعد عشر ايام خلاص حان وقت العمل
اي جذي الهمة ..ولا بلاااااااا



***********************

aL-NooR . said...

ARTFUL
***************


لا لا لا
قاعد اتأكدلي انك شااااااايب
تبي الاجازة تخلص عاااادد

و ان شاء الله القدر خاشلك كل شي حلو :)

*************************

aL-NooR . said...

Romia Fahed
*****************

الله يسلمج يالغالية
:*
اي والله صاجة نبي اجازة بعد اجازة ..دلع ماصخ
ههههههههه
اي والله معورة قلبي اختي عندها امتحان فيزيااا و كاسرة خاطري


عسى الله يسهل عليهم
لا تباعدين

*********************

aL-NooR . said...

الليوان
***********


يوم ولا عشرة ما توفي كسلنا هههههه
انا اقولهم مفروض نقسمهم
ثلاث ايام كل اسبوع
ولا شرايج ؟
;p

*********************

aL-NooR . said...

Shaikha
**********

يا حلوج ..
احلى شعور لما تنامين على نفسج
مو ؟




******************

Sami
************


اتصدق ..وايد قالولي .. احساس الايام ينعدم لما تخلص اصلاااااااااا

*************************